以母

出自維基百科,自由嘅百科全書

以母粵拼ji5 mou5;中古漢語拼音:jix)係中古漢語聲母,屬喉音,係次濁聲母。佢喺後世嘅三十六字母中,同切韻嘅云母合併成喻母,但佢同云母嘅區別係,以母嘅韻母都係四等韻,所以以母又叫喻四jyu6 sei3)。

擬音[編輯]

通常擬音將以母擬成零聲母,由於喻四歸定,佢係個摩擦度比較大嘅聲母,可以擬爲半元音/j/。

上古來源[編輯]

喺上古音研究,有個定論叫喻四歸定,亦即以母係分化自定母嘅,由於佢處於四等介音,佢嘅摩擦度好大,令定母擦化,以後慢慢演化成半元音。

喺粵語嘅演變[編輯]

以母喺標準粵語基本上變成零聲母。喺聲調上,以母派入陽聲調。有一批術韻入聲字好似「聿」、「矞」、「噊」等變成 w 或 l 聲母。個別藥韻字好似「櫟」亦變用 l 聲母。

下面係一啲例字嘅古今音對比,第一欄例字,第二欄中古音(切韻),第三欄現代粵音:

jix jax jek jyungh jyuk jo jang jah ju jox
ji5 jaa5 jik6 jung6 juk6 jyu4 joeng4 je6 jau4 jyu5

調返轉頭,現代粵語嘅零聲母來自喻(云、以)、影、匣(齊撮合三呼)、疑(齊撮合三呼)、溪、日六母。

喺吳語嘅演變[編輯]

吳語同粵語一樣,變零聲母。

喺普通話嘅演變[編輯]

普通話保持y或者變零聲母。但係有啲少數字,例如「銳、睿、容、榕、融」讀r。

喺日文嘅演變[編輯]

無論吳音漢音,都讀あ行。

喺韓文嘅演變[編輯]

歸入零聲母。

喺越南文嘅演變[編輯]

寫「d」,北方音係/z/,南方音係/j/。聲調上,平聲喺陰聲,仄聲喺陽聲。越南文仍然有區分云母同以母。

早期中古漢語(切韻音)聲母
全清 次清 全濁 次濁 全清 全濁
脣音
舌音
齒音
牙音
喉音