俟母
跳去導覽
跳去搵嘢
俟母(粵拼:zi6 mou5;中古漢語拼音:zsrix),係中古漢語聲母,屬齒音中嘅正齒音,屬莊組,係全濁聲母。喺後世佢同常母合流成禪母,因爲佢喺韻圖二等,所以叫禪二(sim4 ji6)。
擬音[編輯]
學界對俟母嘅擬音分兩派,一派擬成捲脷音,擬成/ʐ/,一派擬成舌葉音,擬成/ʒ/。
上古來源[編輯]
對上古音嘅研究,有個定論叫照二歸精,意思係話俟母來源自邪母,喺上古音佢係/z/噉樣嘅音,後來因爲介音因素,佢演變成捲脷或舌葉音。
喺粵語嘅演變[編輯]
俟母喺粵語變成z。俟母喺古音只有兩個小韻,字好少,個別字喺現代粵語有特殊嘅發音。
下面係一啲例字嘅古今音對比,第一欄例字,第二欄中古音(切韻),第三欄現代粵音:
俟 | 漦 |
zsrix | zsri |
zi6 | lei4 |
調返轉頭,現代粵語中嘅z聲母來源自中古音嘅知、澄、從、章、莊、精、俟、邪、崇九母。
喺吳語嘅演變[編輯]
俟母喺吳語歸入邪母,對應嘅吳拼係z。
喺普通話嘅演變[編輯]
喺普通話對應嘅音係ch或者s。
喺日文嘅演變[編輯]
吳音讀ざ行,漢音讀さ行。
喺韓文嘅演變[編輯]
讀ㅅ。
喺越南文嘅演變[編輯]
讀s,派陽聲調。
全清 | 次清 | 全濁 | 次濁 | 全清 | 全濁 | |
---|---|---|---|---|---|---|
脣音 | 幫 p | 滂 pʰ | 並 b | 明 m | ||
舌音 | 端 t | 透 tʰ | 定 d | 泥 n | ||
知 ʈ | 徹 ʈʰ | 澄 ɖ | 娘 ɳ | |||
來 l | ||||||
齒音 | 精 ts | 清 tsʰ | 從 dz | 心 s | 邪 z | |
莊 tʂ | 初 tʂʰ | 崇 dʐ | 生 ʂ | 俟 ʐ | ||
章 tɕ | 昌 tɕʰ | 常 dʑ | 日 ȵ | 書 ɕ | 船 ʑ | |
牙音 | 見 k | 溪 kʰ | 羣 g | 疑 ŋ | ||
喉音 | 影 ʔ | 云 ɦ 以 j | 曉 h | 匣 ɦ |