匣母

匣母（粵拼：haap6 mou5；中古漢語拼音：ghrap），係中古漢語聲母，屬喉音，係全濁聲母。

擬音

因爲大多數嘅漢語、域外方音、對音中，匣母大多發/ɦ/或者/ɣ/，所以學界有兩派擬音，一派擬爲/ɦ/，一派擬爲/ɣ/。

大部分學者都認爲匣母字來自上古音嘅/ɦ/或/ɣ/音，呢個音喺上古音到中古音嘅演變好穩定。

匣母喺標準粵語清化，聲調派陽聲調。開口呼繼續係喉音，對應嘅粵拼係h，對應嘅古音係開口洪音字，而齊齒呼、合口呼變零聲母，對應古音，讀j嘅係開口細音字，讀w嘅係合口字，不過有合口字晃讀fong2，乎讀fu4，唔讀零聲母。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語嘅h來源自溪、曉、匣三母，零聲母來源自喻（云、以）、影、匣、疑、溪、日六母。

喺吳語，匣母要分洪細，洪音開口呼匣母維持古音，對應嘅吳拼係gh，合口呼同細音變零聲母。

普通話同吳語一樣分洪細，但佢清化咗，洪音讀清化喉音，對應嘅普拼係h，細音係顎化音，對應嘅普拼係x。

喺日文，吳音讀が行，漢音讀か行。