精母

精母（粵拼：zing1 mou5；中古漢語拼音：cieng），係中古漢語聲母，屬齒音中嘅齒頭音，屬精組，係全清聲母。

擬音[編輯]

因爲大多數嘅漢語、域外方音、對音中，精母大多發/t͡s/，所以學界一致擬爲/t͡s/。

大部分學者都認爲精母字來自上古音嘅/t͡s/音，呢個音喺上古音到中古音嘅演變好穩定。亦有學者認為複輔音/st/都係佢嘅來源。

精母喺標準粵語存古，聲調派陰聲調，對應嘅粵拼係z。

下面係一啲例字嘅古今音對比，第一欄例字，第二欄中古音（切韻），第三欄現代粵音：

對於會分平捲脷嘅粵語，精母屬平脷音，粵語嘅平捲分法係濟南型。喺吳川話，精母讀d（[t]），同捲脷音嘅z（[t͡s]）相對；喺梧州話，精母讀z（[t͡s]），同捲脷音嘅zh（[t͡ɕ]）相對。

調返轉頭，現代粵語嘅z來源自中古音嘅知、澄、從、章、莊、精、俟、邪、崇九母。

精母喺吳語存古，對應嘅吳拼係ts，標準吳語分尖團音，精母屬尖音。

精母喺普通話要分洪細，唔分尖團，洪音存古，對應嘅普拼係z，細音歸入團音，對應嘅普拼係j。

無論吳音漢音，都讀さ行。