溪母

溪母（粵拼：kai1 mou5；中古漢語拼音：khe）係中古漢語聲母，屬牙音，係次清聲母。呢個聲母可以接四個等嘅韻母，都有開合之分。

擬音

因爲大多數嘅漢語、域外方音、對音中，溪母大多發/kʰ/，所以學界一致同意將佢擬音爲/kʰ/。

大部分學者都認爲溪母字來自上古音嘅/kʰ/音，呢個音喺上古音到中古音嘅演變好穩定。具體來源，鄭張尚芳、潘悟雲、蒲立本等學者認爲溪母合口來自[kʰʷ]。

溪母喺粵語基本維持古音，對應嘅粵拼係k，合口字會變kw，但部分字弱化成h，如口讀hau2，一啲字，韻母係u或o，就變f，如闊讀fut3，有啲字因爲介音係j就變零聲母，如丘讀jau1。喺聲調上，溪母字派陰聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語嘅k、kw都來源自中古音嘅溪、群二母，h來源自溪、曉、匣三母，f來源自幫、滂、並、溪、曉五母，零聲母來源自喻（云、以）、影、匣、疑、溪、日六母。

喺吳語，溪母要分洪細，洪音溪母維持古音，對應嘅吳拼係kh，細音溪母顎化，對應嘅吳拼係ch。

普通話同吳語一樣分洪細，洪音維持古音，對應嘅普拼係k，細音顎化，對應嘅普拼係q。

無論吳音漢音，都讀か行。