疑母

出自維基百科,自由嘅百科全書
Jump to navigation Jump to search

疑母粵拼ji4 mou5;中古漢語拼音:ngi)係中古漢語聲母,屬牙音,係次濁聲母。呢個聲母可以接四個等嘅韻母。

擬音[編輯]

因爲大多數嘅漢語、域外方音、對音中,疑母大多發/ŋ/,所以學界一致同意將佢擬音爲/ŋ/。

上古來源[編輯]

大部分學者都認爲疑母字來自上古音嘅/ŋ/音,呢個音喺上古音到中古音嘅演變好穩定。

喺粵語嘅演變[編輯]

疑母喺標準粵語分三種情況。無論邊種情況,喺聲調嘅影響,都係派去陽聲調。

第一種情況係保留咗疑母。保留條件係個韻母屬於開口呼,亦即唔係i/j、u/w、yu/jyu開頭嘅字,開口呼嘅疑母都保留咗。喺等韻上一般係一、二等韻。

第二種情況係甩咗疑母,變成零聲母。甩嘅條件係個韻母屬齊齒呼、合口呼、撮口呼,亦即i/j、u/w、yu/jyu開頭嘅字,佢哋嘅都變成咗零聲母。喺等韻上一般係三、四等韻。

第三種情況係甩咗韻母,疑母呢個聲母元音化咗,變成零韻母ng。變成ng嘅字,佢哋對應嘅中古音一般係ngo(無標調)。

若果隻字有文白讀,一般文讀零聲母,白讀保留疑母。例子:逆,文讀jik6,如忤逆,白讀ngaak6,如逆水;仰,文讀joeng5,如仰慕,白讀ngong5,如仰高頭;研,文讀jin4,如研究,白讀ngaan4,如研碎;吟,文讀jam4,如吟詩,白讀ngam4,如吟吟沉沉。

下面係一啲例字嘅古今音對比,第一欄例字,第二欄中古音(切韻),第三欄現代粵音:

ngo ngian ngax ngox ngieh ngiu ngyat nguad ngyuk nging
ng4 jin4 ngo5 ng5 ji6 ngau4 jyut6 ngoi6 juk6 jing4

調返轉頭,現代粵語嘅ng聲母來源自中古音嘅疑母(開口呼),零聲母來自於喻(云、以)、影、匣(齊撮合三呼)、疑(齊撮合三呼)、溪、日六母,ng韻母來自於中古音嘅疑母(古音韻母脫落)。

喺吳語嘅演變[編輯]

疑母喺吳語分四種情況,第一種係保留疑母,對應嘅吳拼係ng,第二種係甩咗,變零聲母,第三種係轉日母,對應嘅吳拼係ny,第四種係喺白讀甩古音韻母,變成ng,而喺文讀加返韻母,變成ng聲母字,部分字如五,無咗ng聲母,變零聲母。

喺普通話嘅演變[編輯]

疑母喺普通話消失咗,大部分字變成零聲母,有少部分字轉爲n,如牛、凝、擬。

喺日文嘅演變[編輯]

無論吳音漢音,疑母喺日文讀が行。

喺韓文嘅演變[編輯]

韓文無疑母呢個聲母,全部變零聲母。

喺越南文嘅演變[編輯]

喺越南文,大體上疑母都保留咗,對應嘅拼寫係ng(h),有少部分字轉爲nh,如雅。

中古早期漢語(切韻音)聲母
表中字母爲潘悟雲擬音嘅國際音標
全清 次清 全濁 次濁 全清 全濁
脣音 p b m
舌音 t d n
ʈ ʈʰ ɖ ɳ
l
齒音 ts tsʰ dz s z
tʂʰ ʂ ʐ
tɕʰ ȵ ɕ ʑ
牙音 k g ŋ
喉音 ʔ ɦ j h ɦ