徹母

徹母（粵拼：cit3 mou5；中古漢語拼音：thriet）係中古漢語聲母，屬舌音中嘅知組，係次清聲母。呢個聲母接二、三等嘅韻母，同一、四等嘅透母互補。下面係佢嘅例字。

一等	二等	三等	四等
	瞠thrang、詫thrah	癡thri、丑thriux、暢thriangh、黜thryt

擬音

對徹母嘅擬音分兩派，一派認爲佢係透母嘅顎化，擬爲/ȶʰ/，另一派認爲佢係透母嘅捲脷音，擬爲/ʈʰ/。

對上古音嘅研究有個定論係古無舌上音，舌上歸舌頭，亦即徹母係分化自透母嘅。由於透一、四等同徹二、三等互補，係二、三等韻母嘅介音構成咗佢從透母分化嘅條件。

徹母喺粵語演變爲c，對聲調嘅影響係派入陰聲調。有少部分字轉化爲z，如黜。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語中嘅c聲母來源自中古音嘅徹、澄、從、清、初、昌、邪、崇八母。

對於可以區分平捲脷嘅粵語，徹母屬捲脷音，如吳川話，徹母發[t͡sʰ]。成個粵語，平捲分法係濟南型。

徹母喺吳語同粵語一樣，對應嘅吳拼係tsh。

徹母喺普通話歸入捲脷音，對應嘅普拼係ch。

無論吳音定漢音，知母都讀た行（[t]／[t͡ʃ]／[t͡s]）。

喺韓文，二等韻嘅徹母維持塞音，有送氣（ㅌ），如詫讀타，亦有唔送氣（ㄷ），如瞠讀당；三等韻嘅徹母塞擦成ㅊ，如癡讀치。

喺越南文，大部分徹母字讀s，有少部分讀tr，聲調上派入陰聲調。