泥母

泥母（粵拼：nai4 mou5；中古漢語拼音：ne）係中古漢語聲母，屬舌音嘅端組，係次濁聲母。呢個聲母接一、四等韻母，同二、三等娘母互補。下面係佢嘅例字。

一等	二等	三等	四等
男nom、弩nox、耐naih、捺nat			年nen、嫋neux、念nemh、涅net

擬音[編輯]

因爲大多數嘅漢語、域外方音、對音中，泥母大多發/n/，所以學界一致同意將佢擬音爲/n/。

泥母各學者擬音
高本漢	李方桂	陸志韋	董同龢	李榮	王力	邵榮芬	蒲立本	周法高	鄭張尚芳	潘悟雲
n	n	n	n	n	n	n	n	n	n	n

大部分學者都認爲泥母字來自上古音嘅/n/音，呢個音喺上古音到中古音嘅演變好穩定。

泥母喺粵語維持古音，對應嘅粵拼係n。對聲調嘅影響係，泥母字派入陽聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語中嘅n聲母來源自中古音嘅泥、娘二母，有個別來自明母，有極個別來自日母同來母（如你、粒）。

吳語同粵語一樣，繼續存古，對應嘅吳拼係n。

普通話同粵語一樣，繼續存古，對應嘅普拼係n。

喺日文，吳音讀な行（[n]／[ɲ]），漢音讀だ行（[d]／[d͡ʒ]／[d͡z]）

喺韓文，同粵語一樣，泥母維持古音，讀ㄴ（[n]），按南韓標準音，四等字嘅泥母會甩，如女讀여，本身字音係녀。

喺越南文，泥母維持古音，讀n（[n]），聲調上，平聲入陰聲調，仄聲入陽聲調。