初母

初母（粵拼：co1 mou5；中古漢語拼音：chrio），係中古漢語聲母，屬齒音中嘅正齒音，屬莊組，係次清聲母。喺後世佢同昌母合流成穿母，因爲佢喺韻圖二等，所以又叫穿二（cyun1 ji6）。

擬音

學界對初母嘅擬音分兩派，一派擬成捲脷音，擬成/ʈʂʰ/，一派擬成舌葉音，擬成/t͡ʃʰ/。

對上古音嘅研究，有個定論叫照二歸精，意思係話初母來源自清母，喺上古音佢係/t͡sʰ/噉樣嘅音，後來因爲介音因素，佢演變成捲脷或舌葉音。

初母喺粵語維持古音，對應嘅粵拼係c，聲調派陰聲調。特別嘅係篡，讀s。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語中嘅c來源自中古音嘅徹、澄、從、清、初、昌、邪、崇八母。

對於可以區分平捲脷嘅粵語，初母屬捲脷音，如吳川話，初母發[t͡sʰ]；梧州話，初母發[t͡ɕʰ]。成個粵語，平捲分法係濟南型。

初母喺吳語歸入清母，對應嘅吳拼係tsh。

初母喺普通話大部分係捲脷音ch，少數字變成平脷音c。普通話嘅平捲分法係濟南型溝南京型。

無論吳音漢音，初母都係讀さ行。