清母

清母（粵拼：cing1 mou5；中古漢語拼音：chieng），係中古漢語聲母，屬齒音中嘅齒頭音，屬精組，係次清聲母。

擬音[編輯]

因爲大多數嘅漢語、域外方音、對音中，清母大多發/t͡sʰ/，所以學界一致擬爲/t͡sʰ/。

大部分學者都認爲清母字來自上古音嘅/t͡sʰ/音，呢個音喺上古音到中古音嘅演變好穩定。

清母喺標準粵語存古，聲調派陰聲調，對應嘅粵拼係c。

下面係一啲例字嘅古今音對比，第一欄例字，第二欄中古音（切韻），第三欄現代粵音：

對於會分平捲脷嘅粵語，清母屬平脷音，粵語嘅平捲分法係濟南型。喺吳川話，清母讀t（[tʰ]），同捲脷音嘅c（[t͡sʰ]）相對；喺梧州話，清母讀c（[t͡sʰ]），同捲脷音嘅ch（[t͡ɕʰ]）相對。

調返轉頭，現代粵語嘅c來源自中古音嘅徹、澄、從、清、初、昌、邪、崇八母。

清母喺吳語存古，對應嘅吳拼係tsh，標準吳語分尖團音，清母屬尖音。

清母喺普通話要分洪細，唔分尖團，洪音存古，對應嘅普拼係c，細音歸入團音，對應嘅普拼係q。

無論吳音漢音，都讀さ行。