云母
跳去導覽
跳去搵嘢
云母(粵拼:wan4 mou5;中古漢語拼音:yon)係中古漢語聲母,屬喉音,係次濁聲母。佢喺後世三十六字母中,同切韻嘅以母合併成喻母,但佢同以母嘅區別係,云母嘅韻母都係三等韻,所以云母又叫喻三(jyu6 saam1)。
擬音[編輯]
通常擬音會將云母擬成零聲母,由於喻三歸匣,喺擬早期中古漢語時,有啲學家將佢擬成匣母/ɦi/。
上古來源[編輯]
喺上古音研究,有個定論叫喻三歸匣,亦即云母係分化自匣母嘅,由於佢處於三等韻嘅介音,令介音獲得顯性地位,而深喉濁擦嘅匣母變成隱性地位,令佢嘅聲母丟失,變成零聲母。
喺粵語嘅演變[編輯]
云母喺標準粵語多數變成零聲母,剩係有「熊、雄」呢兩隻字讀h,「乎」讀f,呢個反映咗佢嘅上古痕跡。喺聲調上,云母派陽聲調。
下面係一啲例字嘅古今音對比,第一欄例字,第二欄中古音(切韻),第三欄現代粵音:
爲 | 有 | 曰 | 王 | 矣 | 謂 | 又 | 云 | 于 | 遠 |
ye | iux | yat | yang | ix | yoih | iuh | yon | yo | yanx |
wai4 | jau5 | joek6 | wong4 | ji5 | wai6 | jau6 | wan4 | jyu4 | jyun5 |
調返轉頭,現代粵語嘅零聲母來自於喻(云、以)、影、匣(齊撮合三呼)、疑(齊撮合三呼)、溪、日六母。
喺吳語嘅演變[編輯]
吳語同粵語一樣,維持喺零聲母。
喺普通話嘅演變[編輯]
普通話同粵語一樣,維持喺零聲母。少數字,如「彙」讀h,「熊、雄」讀x,「榮、嶸」讀r。
喺日文嘅演變[編輯]
無論吳音漢音,都讀あ行。
喺韓文嘅演變[編輯]
同粵語一樣,歸入零聲母。
喺越南文嘅演變[編輯]
大部分讀v,少部分讀h。聲調上,平聲喺陰調,仄聲喺陽調。
全清 | 次清 | 全濁 | 次濁 | 全清 | 全濁 | |
---|---|---|---|---|---|---|
脣音 | 幫 p | 滂 pʰ | 並 b | 明 m | ||
舌音 | 端 t | 透 tʰ | 定 d | 泥 n | ||
知 ʈ | 徹 ʈʰ | 澄 ɖ | 娘 ɳ | |||
來 l | ||||||
齒音 | 精 ts | 清 tsʰ | 從 dz | 心 s | 邪 z | |
莊 tʂ | 初 tʂʰ | 崇 dʐ | 生 ʂ | 俟 ʐ | ||
章 tɕ | 昌 tɕʰ | 常 dʑ | 日 ȵ | 書 ɕ | 船 ʑ | |
牙音 | 見 k | 溪 kʰ | 羣 g | 疑 ŋ | ||
喉音 | 影 ʔ | 云 ɦ 以 j | 曉 h | 匣 ɦ |