羣母

羣母（粵拼：kwan4 mou5；中古漢語拼音：gyon），係中古漢語聲母，屬牙音，係全濁聲母。呢個聲母只可以接三等嘅韻母，都有開合之分。

擬音[編輯]

因爲大多數嘅漢語、域外方音、對音中，羣母大多發/ɡ/，所以學界一致同意將佢擬音爲/ɡ/。

大部分學者都認爲羣母字來自上古音嘅/ɡ/音，呢個音喺上古音到中古音嘅演變好穩定。

羣母喺粵語清化，具體送氣規則各片粵語唔同，喺廣府粵語，平聲送氣，對應嘅粵拼係k，仄聲唔送氣（少數字例外，會送氣），對應嘅粵拼係g，遇到合口字，分別轉爲kw、gw。喺聲調上，羣母字派陽聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語嘅k、kw都來源自中古音嘅溪、羣二母，g、gw都來源自中古音嘅見、羣二母。

喺吳語，羣母顎化，對應嘅吳拼係j。

普通話清化平仄送氣似粵語，平聲送氣，對應嘅普拼係q；仄聲唔送氣，細音對應嘅普拼係j。

喺吳音讀が行，喺漢音讀か行。