影母

影母（粵拼：jing2 mou5；中古漢語拼音：qiengx）係中古漢語聲母，屬喉音，係全清聲母。呢個聲母可以接四個等嘅韻母。

擬音[編輯]

雖然大多數嘅現代發音都變成零聲母，但可以擬出影母發/ʔ/，學界一致同意將佢擬音爲/ʔ/。佢之所以變成零聲母，係因爲佢係個好易甩嘅音素。

大部分學者都認爲影母字來自上古音嘅/ʔ/音，呢個音喺上古音到中古音嘅演變好穩定。

影母喺標準粵語全部變成零聲母。對聲調嘅影響係，影母字派陰聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，零聲母來自於喻（云、以）、影、匣（齊撮合三呼）、疑（齊撮合三呼）、溪、日六母。

影母喺吳語同粵語一樣，變成零聲母。

影母喺普通話同粵語一樣，變成零聲母。但實質上個聲母未消失，作爲音素會出現喺詞中嘅開口呼嘅頭，但唔作爲音位。

無論吳音漢音，都係讀あ行。

越南文同粵語一樣變零聲母。個別字有獨特嘅讀音，如一讀nhất，彎讀loan。