端母
跳去導覽
跳去搵嘢
端母(粵拼:dyun1 mou5;中古漢語拼音:tuan)係中古漢語聲母,屬舌音嘅端組,係全清聲母。呢個聲母接一、四等韻母,同二、三等嘅知母互補。
其例字如下(中古漢語拼音採用古韻羅馬字):
一等 | 多ta、等tongx、戴taih、德tok |
二等 | 打t’rangx |
三等 | |
四等 | 低te、典tenx、弔teuh、的tek |
擬音[編輯]
因爲大多數嘅漢語、域外方音、對音中,端母大多發/t/,所以學界一致同意將佢擬音爲/t/。
高本漢 | 李方桂 | 陸志韋 | 董同龢 | 李榮 | 王力 | 邵榮芬 | 蒲立本 | 周法高 | 鄭張尚芳 | 潘悟雲 |
---|---|---|---|---|---|---|---|---|---|---|
t | t | t | t | t | t | t | t | t | t | t |
上古來源[編輯]
大部分學者都認爲端母字來自上古音嘅/t/音,呢個音喺上古音到中古音嘅演變好穩定。
喺粵語嘅演變[編輯]
端母喺現代粵語繼續係古音狀態,對應嘅粵拼係d。對聲調嘅影響係,端母字派入陰聲調。
有個特殊嘅字係鳥,鳥嘅中古音係teux,照計到今日嘅粵音會係diu2,但因爲要避忌「屌」字,呢個字改音爲niu5,用同樣係舌頭音嘅n代替咗d,聲調隨住濁聲母派入陽聲調。
下面係一啲例字嘅古今音對比,第一欄例字,第二欄中古音(切韻),第三欄現代粵音:
多 | 德 | 東 | 顛 | 鳥 | 點 | 丁 | 到 | 短 | 帝 |
ta | tok | tung | ten | teux | temx | teng | tauh | tuanx | teh |
do1 | dak1 | dung1 | din1 | niu5 | dim2 | ding1 | dou3 | dyun2 | dai3 |
調返轉頭,現代粵語中嘅d聲母來源自中古音嘅端、定二母。
喺吳語嘅演變[編輯]
端母喺吳語同粵語一樣,維持喺古音狀態,對應嘅吳拼係t。
喺普通話嘅演變[編輯]
端母喺普通話同粵語一樣,維持住古音狀態,對應嘅普拼係d。
喺日文嘅演變[編輯]
喺日文,無論漢音定吳音,端母都係た行([t]/[t͡ʃ]/[t͡s])。
喺韓文嘅演變[編輯]
喺韓文,一等韻嘅端母大多保留古音,讀ㄷ([t]),如多讀다;少部分送氣,讀ㅌ([tʰ]),如鬥讀투。四等韻嘅端母由於介音,令聲母塞擦化,變成ㅈ ([t͡ʃ]),如點讀점。
喺越南文嘅演變[編輯]
喺越南文,端母濁化成đ([ɗ]),但聲調喺陰聲調。
全清 | 次清 | 全濁 | 次濁 | 全清 | 全濁 | |
---|---|---|---|---|---|---|
脣音 | 幫 p | 滂 pʰ | 並 b | 明 m | ||
舌音 | 端 t | 透 tʰ | 定 d | 泥 n | ||
知 ʈ | 徹 ʈʰ | 澄 ɖ | 娘 ɳ | |||
來 l | ||||||
齒音 | 精 ts | 清 tsʰ | 從 dz | 心 s | 邪 z | |
莊 tʂ | 初 tʂʰ | 崇 dʐ | 生 ʂ | 俟 ʐ | ||
章 tɕ | 昌 tɕʰ | 常 dʑ | 日 ȵ | 書 ɕ | 船 ʑ | |
牙音 | 見 k | 溪 kʰ | 羣 g | 疑 ŋ | ||
喉音 | 影 ʔ | 云 ɦ 以 j | 曉 h | 匣 ɦ |