明母

出自維基百科,自由嘅百科全書
Jump to navigation Jump to search

明母粵拼ming4 mou5;中古漢語拼音:mieng)係中古漢語聲母,屬脣音嘅幫組,係次濁聲母。呢個聲母接韻母時,無開合口之分,同四個等都可以接。下面係佢四個等嘅例字。

一等 二等 三等 四等
毛mau、母mux、妹muaih、沒muot 埋mrai、猛mrangx、慢mranh、麥mrek 謀miu、尾myoix、問myonh、目miuk、名mjeng、美miix、繆myh、滅mjet 眠men、酩mengx、麪menh、覓mek

喺切韻時代,脣音只有幫組,到後期中古漢語,三十六字母時代,幫組輕脣化,產生脣齒音微母(mei4 mou5;中古漢語拼音(切韻):myoi)。

擬音[編輯]

因爲大多數嘅漢語、域外方音、對音中,滂母大多發/m/,所以學界一致同意將佢擬音爲/m/。

明母各學者擬音
高本漢 李方桂 陸志韋 董同龢 李榮 王力 邵榮芬 蒲立本 周法高 鄭張尚芳 潘悟雲
m m m m m m m m m m m

上古來源[編輯]

大部分學者都認爲明母字來自上古音嘅/m/音,呢個音喺上古音到中古音嘅演變好穩定。

分類[編輯]

守溫三十字母 三十六字母 陳澧 曾運乾 白滌洲 李榮 周法高
明、微 明、微 莫、武 莫、武

喺粵語嘅演變[編輯]

早期中古漢語(切韻音系)中,脣音只有幫組,到後期嘅三十六字母階段,脣音分出重脣同輕脣,粵語就係繼承自三十六字母階段嘅發音。

重脣音中,明母繼續係古音狀態,對應嘅粵拼係m。對聲調嘅影響係,明母字派入聲調中嘅陽聲調。有少部分明母字,如彌、瀰等,轉爲鼻音n。

輕脣音中,佢喺三十六字母屬微母,喺粵語微母冇分化出來,繼續係讀明母。聲調嘅影響同明母一樣。

下面係一啲例字嘅古今音對比,第一欄例字,第二欄中古音(切韻),第三欄現代粵音:

myo myoih myon mjin mieng mak myonh myox mrax myot
mou4 mei6 man4 man4 ming4 mok6 man6 mou5 maa5 mat6

調返轉頭,現代粵語中嘅m聲母全部來源自中古音嘅明母。

喺吳語嘅演變[編輯]

切韻嘅明母喺吳語中分兩種,重脣明母繼續係古音狀態,對應嘅吳拼係m/[m];輕脣微母喺文讀脫鼻音,同奉母合流,對應嘅吳拼係v/[v],而白讀繼續係重唇嘅m。如物字,動物嘅物讀文讀,讀veh,物事嘅物讀白讀,讀meh。

切韻嘅明母變微母有條演化式:m+i, y+a, o = mv。i, y即係三等介音(唔分開合口),佢嘅韻腹一旦係a, o,佢嘅聲母就會轉爲mv。

喺普通話嘅演變[編輯]

切韻嘅明母喺普通話嘅演變同吳語一樣,重脣明母繼續係古音狀態,對應嘅普拼係m,輕脣微母繼續向前演化,由v變w。

喺日文嘅演變[編輯]

喺日文,明母唔分輕重脣,喺吳音係ま行([m]),喺漢音係ば行([b])。

喺韓文嘅演變[編輯]

喺韓文,佢嘅聲母無輕脣化,同粵語一樣都係讀ㅁ([m]

喺越南文嘅演變[編輯]

喺越南文,佢嘅情況同吳語一樣,明母繼續係m([m]),微母字轉爲v([v]),喺聲調上,平聲喺陰平,仄聲喺陽聲調。重紐四等字轉d([dʑ]),如民讀dân。

中古早期漢語(切韻音)聲母
表中字母爲潘悟雲擬音嘅國際音標
全清 次清 全濁 次濁 全清 全濁
脣音 p b m
舌音 t d n
ʈ ʈʰ ɖ ɳ
l
齒音 ts tsʰ dz s z
tʂʰ ʂ ʐ
tɕʰ ȵ ɕ ʑ
牙音 k g ŋ
喉音 ʔ ɦ j h ɦ