粵音韻彙

出自維基百科,自由嘅百科全書
跳去導覽 跳去搵嘢

粵音韻彙韻書之一,專為廣州話而編,以類似萬國音標編寫,喺廣州話而言,係第一部。黃錫凌所寫。書中有檢字索引凡例、粵語韻目表、粵音韻匯檢字、廣州標準音之研究呢啲內容。

1941年本書喺上海中華書局初版,1957年3月中華書局香港分局重印,1979年4月重新排過發行、1981年1月再重排本重印。但版本唔止咁少,至少有二十種。而內容累次改動,現今見版本,經過大量刪節,失去部份原有說明,變得有誤同唔通順。其中明顯之處,無咗以孫文總理遺囑做示範。然而改版亦有啲修正。

所用音標並非佢原創,而係出自一九一二年嘅廣東話讀本。同正式萬國音標有一定差異,至明顯係送氣同唔送氣音嘅標法,有啲長短音之別,亦無區分。

粵音韻彙定音原則,並無講明。有啲字音,並唔見於當時廣東話。有啲音要同韻書反切對應,有啲分音為咗配合當時中華民國國語

睇埋[編輯]

[編輯]

連出去[編輯]