馬禮遜(Robert Morrison;1782年1月5號—1834年8月1號),英國傳敎士。佢入咗倫敦傳道會,立志去大清傳基督新敎,長時留喺澳門同省城。佢傳敎雖受制大清國例,但可謂大清下,基督新敎嘅奠基人。佢最後死喺省城。因要傳敎之故,通曉廣東話,出過《英華字典》同唐字《聖經》,亦有喺英國殖民地馬六甲,開辦英華書院,學校最後搬到香港。佢有仔馬儒翰,同爲傳敎士,有份喺香港早期政府做事。
馬禮遜父母係蘇格蘭人,不過佢生於英倫。