唐韻

出自維基百科,自由嘅百科全書
《唐韻》摘錄,收藏於中華字典博物館

唐韻》(粵拼tong4 wan5)係中國韻書大唐孫愐中文孫愐所編纂。成書約莫開元二十年之後(一說成書於751年,另一說係733年),係陸法言切韻》嘅增修本。原書好早就散佚,冇傳到而家,但宋代時又修訂咗次《唐韻》,編成《大宋重修廣韻》。

大清卞永譽中文卞永譽所寫《式古堂書畫彙考》,收有大唐元和年間嘅《唐韻》寫本殘目,記載住序文同各卷韻數,全書五卷,韻目共195韻,個數同稍早王仁昫寫嘅《刊謬補缺切韻》一樣,同樣上、去二聲都多《切韻》一韻。但就唔知韻嘅排佈以及內容係咪等同。

現存有蔣斧舊藏版本嘅《唐韻》殘卷(殘留住一部分嘅去聲同埋入聲),但當中韻嘅數目同卞永譽講嘅有相當大嘅出入,現時唔係咁清楚從原先孫愐版開始,佢經歷過何種程度嘅改訂。另外佢亦有敦煌殘卷(P2018,平聲「東·冬·鍾」嘅一部分)。

王仁昫《刊謬補缺切韻》,亦係切韻增修本,早過《唐韻》。但孫愐利用朝廷擴大《唐韻》影響,所以《唐韻》雖則係孫愐私人著作,然而命名有官方性質,有名氣過《刊謬補缺切韻》。范鎮東齋記事》講,「自孫愐集為唐韻,諸書遂廢」。王仁昫《刊謬補缺切韻》同孫愐《唐韻》,都為韻字加入注釋,並且引文亦有出處,於是乎,韻書就有辭書字典之用。

大徐本嘅《說文解字》所引嘅反切係依據《唐韻》嘅。《康熙字典》中所記嘅《唐韻》反切就係引出自《說文解字》大徐本嘅反切。