借喻

出自維基百科,自由嘅百科全書

借喻係種修辭手法,即係指講都唔講,直接當比喻嘅嘢係比喻對象噉,指出兩樣嘢相似嘅嘅比喻。借喻唔會用到喻詞,唔會講出比喻對象(本體),會直接將用嚟比喻嘅嘢(喻體)完全取代本體,即係淨係提喻體而唔提本體同喻詞。想搞清楚借喻嘅本體,有時要靠常識,有時要靠前文後理,有時兩樣都要。

借喻同埋暗喻嘅統稱為隱喻[未記出處或冇根據]

同借代嘅分別[編輯]

借喻成日同借代撈亂,以下係兩者嘅一啲分別:

  • 借喻嘅兩個主體有相似關係;而借代嘅兩個主體冇相似關係。
    • 所以,借喻就可以改寫成明喻暗喻;而借代唔屬於比喻,唔可以改寫成比喻。
  • 借喻嘅兩個主體係對等嘅關係,兩個主體一樣喺句子入面一樣咁重要,喻體唔同嘅話,意思會變;而借代嘅兩個主體係有主次嘅關係,本體係重點,代替本體嘅只係替代品,只要合理,其他嘅嘢嚟借代本體都冇分別。
  • 借喻用嘅係冇咩關係嘅事物;而借代用嘅係本體嘅一部分,或者同本體有密切關係嘅其他嘢。
  • 借喻係用嚟代表本體其中相似嘅地方;而借代係用嚟代表本體嘅整體。

例子[編輯]

  • 「歲寒,然後知松柏之後凋。」《論語
  • 「枯桑知天風,海水知天寒。」《飲馬長城窟行》
  • 「狡兔有三窟,僅得免其死耳。」《馮諼客孟嘗君》
  • 玉環喺天空高掛。(日食好似玉環)
  • 每朝早都有成千上萬嘅人喺呢個石矢森林遊蕩。(大城市好似森林)

睇埋[編輯]