修辭手法

出自維基百科,自由嘅百科全書
一個人喺度演講;講嘢嗰陣要點樣修飾語言,先可以令講出嚟嘅嘢更加有美感呢?

修辭手法粵拼Sau1 ci4 sau2 faat3),又叫修辭技巧,係一系列運用語言嘅結構、詞彙語氣嘅手法,無論係講嘢寫嘢嗰陣都有機會用到。啲人用修辭手法,通常係想提升表達嘅效果—當中「提升效果」可以係令到一件文學作品(由散文劇本歌詞都得)更加有美感或者「節奏更加」,又或者係令一場演講生動啲呀噉。

以下啲例句,會用粵語白話文中文書面語或者文言文做例子。亦可以睇睇粵語書寫上講到嘅三及第概念。

比喻[編輯]

呢幅插圖描繪出晒名「肌膚好似雪咁白」嘅白雪公主
2010 年影到嘅一朵蓮花;簡化版《愛蓮說》:「蓮花花當中嘅君子,由淤泥生出嚟都唔受玷污。」
内文:比喻

比喻:用一樣嘢(主體),去指成、比作另一樣有相似之處嘅嘢(喻體)。

  • 明喻:句子用喻詞「好似、猶如...」,有提個主體。
    例句:「白雪公主嘅肌膚好似咁白,朱唇好似玫瑰咁紅,而秀髮就好似咁黑。」
    例句:「離遠嘅一盞盞街燈,就好似夜空上邊嘅星星噉。」
    例句:「如花佢真係人如其名,一朵。」
  • 暗喻:句子用喻詞「係...」,有提個主體。
    例子:「蓮,花之君子者也。」(文言)—— 出自好出名嘅北宋古文愛蓮說》(周敦頤
    譯:「蓮花,就花當中嘅君子。」
    → 呢度將蓮花暗喻為「花當中嘅君子」。
  • 借喻:句子唔用喻詞,唔提個主體,直頭用喻體取代咗個主體。
    將上句用借喻改成下句嘅例子:
    A 君:「阿蓮佢又後生又靚,但係嫁畀個咁猥瑣嘅男人。」
    B 君:「一朵鮮花插咗喺牛屎上邊。」
    上句主體 → 下句喻體:阿蓮 → 鮮花
    上句主體 → 下句喻體:猥瑣嘅男人 → 牛屎

比擬[編輯]

内文:比擬
睇埋:擬人化人格化

比擬擬人擬物擬聲形象化人格化

  • 擬人:將當成噉寫;
    例句:「死亡向我一步一步噉迫近。」
    → 死亡係一個概念,理應唔識好似人噉行路。
  • 擬聲
    例句:「廚房啲嘢跌晒落地,發出乒鈴嘭唥噉嘅聲。」

借代[編輯]

借代:用本體嘅一部分,或者同本體有密切關係嘅其他嘢,嚟代替本體嘅整體。

襯托[編輯]

内文:襯托
睇埋:角色映襯

襯托正襯反襯):比較兩個事物,去突顯主要事物嘅某個特徵。

對比[編輯]

對比兩體對比一體兩面對比):用兩個相反嘅事物做比較,突出兩者之間嘅差別。

例句:「朱門酒肉臭,路有凍死骨。」(文言)—— 出自杜甫《自京赴奉先詠懷五百字》
→ 粵譯:「大宅嘅紅門彌漫住酒肉味,路邊就有凍死嘅人嘅骨頭。」
→ 呢度用意係突出社經地位幾咁懸殊。

複疊[編輯]

内文:複疊

複疊疊字疊詞疊句複辭反複):重複用字。

排比[編輯]

排比:將三句或以上結構相似而且意思相關嘅子句句子排列埋一齊。

例句:「春天,你好似一朵含苞待放嘅紫荊,你好似初出湖水嘅荷芙,你好似一位娉婷嘅少女。」

對偶[編輯]

對偶:將兩句結構相同、字數相同、意思相關,但係多個詞性相同、字詞唔同嘅子句句子,前後連住或者對稱噉排列埋一齊。

例句:「其大本擁腫而不中繩墨,其小枝卷曲而不中規矩。」—— 出自《莊子.逍遙遊

層遞[編輯]

層遞:順住次序排幾個,含有 有比例關係嘅嘢 嘅子句,將意思一重又一重噉展現出嚟。

例句:「一而十,十而百,百而千,千而萬」

反問[編輯]

反問:將已經知道咗答案嘅問題反轉問返人。

例子:《論語》入邊有講到:「而時之,不亦悅乎?」(文言)
→ 粵譯:「學咗嘢之後時不時反覆溫書,唔係一件好愉快嘅事咩?」[3]
→ 呢度孔子根本認定咗,學咗嘢之後時不時反覆溫書,係一件好愉快嘅事,但照樣用問句表達。

設問[編輯]

設問:自問自答,藉住問題嚟引起讀者嘅注意,啓發讀者思考。

例句:「得閒睇吓同寫吓維基百科有乜好處呢?咪就係可以學多啲知識,增廣見聞囉。」

頂真[編輯]

頂真:將上一句句尾嘅字詞短語作為下句子句嘅開頭。

例句:「歸來見天子天子坐明堂。」—— 出自《木蘭辭

互文[編輯]

互文:交錯省略上下文某啲字,而省略咗嘅意思靠上下文互相補充。

例句:「將軍百戰死,壯士十年歸。」—— 出自《木蘭辭

回文[編輯]

回文:用唔同次序讀都有意思嘅句子。

錯綜[編輯]

錯綜:故意打破整齊嘅句子規律,令文句參差,詞彙別異。

引用[編輯]

引用:運用其他人嘅名言、事跡或作品,嚟支持作者嘅立場,嚟證明同加強自己所講嘅理論,令到文章嘅內容更為充實。

  • 明引:喺引用嘅時候,直接講明所引用嘅內容係出自邊度,畀讀者知道。
    例句:「識得做科學嘅人都應該聽過牛頓話齋,『要求知,就要企喺巨人嘅膊頭上』,將自己嘅思考建基於前人嘅諗頭之上。」
    —呢段講話引用咗「企喺巨人嘅膊頭上」呢句名言,而且指明咗句嘢係邊個(牛頓)講嘅。
  • 暗引:喺引用嘅時候,唔指名出處。
    例句:「唔使專修經濟學都應該知,呢個世上冇免費嘅午餐。」
    —引用咗「呢個世上冇免費嘅午餐」呢句經濟學名言,不過句子入邊冇話句嘢係邊個講嘅。

呼告[編輯]

呼告:一改敘事唔重情感嘅語氣,突然向唔喺現場或者冇可能回答嘅對象呼喊。

通感[編輯]

通感:將本來用嚟形容一種感官嘅詞語,轉到用嚟形容另一個感官,即係例如將視覺嘅詞語,用嚟形容聽覺感知到嘅嘢。

例句(聽覺通觸覺):「三粒苦松子,沿著路標一直滾到我的腳前,伸手抓起,竟是一把鳥聲。」(中文書面語)— 洛夫《隨雨聲入山而不見雨》
→ 粵化:「三粒苦松子,沿住路標一路轆到嚟我隻腳前,伸手攞起,竟然係一把雀聲。」

示現[編輯]

示現追述示現預言示現懸想示現)將過去、未來、或者無法親眼睇到嘅事物,利用想像力,憑住文字嘅描述,將意象呈現喺讀者面前。

摹色[編輯]

摹色:用摹色詞描寫景物嘅顏色

誇張[編輯]

嬉笑集 · 昭君彈琵琶出塞》:
「抱住琵琶就出關,擘開雙眼萬重山。」—
「哇!昭君一出塞外,就見到萬重山咁廣闊嘅空間。」
内文:誇張

誇張:將事物描繪到明顯超出客觀事實,達致渲染嘅效果。

例句:「抱住琵琶就出關,maak3開雙眼萬重山。」—— 出自粵語詩集嬉笑集》嘅《昭君彈琵琶出塞》[4]
→ 呢度話昭君一擘大眼就見到「萬重山」,唔係話佢真係見到一萬座山峰或者點咁誇張,而係話佢見到好廣闊嘅空間。

婉曲[編輯]

内文:婉曲
睇埋:雙重意思

婉曲:唔直接噉用啲準確嘅詞句表達原意,而係用啲相關嘅詞句,間接噉烘托、流露或者暗示原意。婉曲通常係用啲冇攻擊性嘅字詞,嚟代替有冒犯性或者會令人反感嘅字詞。

例句:「炸死了你,我的故事就該完了。炸死了我,你的故事還長著呢。」(中文書面語)—— 出自張愛玲《傾城之戀》
→ 粵化:「炸死咗你,我嘅故事就應該完喇。炸死咗我,你嘅故事仲有好長呀。」

反話[編輯]

反話:表達同字面上意思相反嘅意思。

雙聲[編輯]

雙聲:接連用同一聲母

疊韻[編輯]

疊韻:接連用同一韻母

其他修辭手法[編輯]

以下一覽式噉列出淨低嘅修辭手法。

文獻[編輯]

  • 張燕潔. (2013). 潮汕方言俗語的修辭藝術. 江西教育學院學報, 34(5), 102-104 (大陸簡體)

外拎[編輯]

語言相關[編輯]

拉雜相關[編輯]

引用來源[編輯]

  1. Colours in Cantonese (PDF). Cantonese For Families.
  2. 老吾老,以及人之老;幼吾幼,以及人之幼 (PDF) 中華經典名句 (中學)
  3. 錢穆. (2002). 論語新解. 生活, 讀書, 新知三聯書店.
  4. 《嬉笑集》校正電子版