白雪公主
《白雪公主》係源自德國嘅童話故事。格林兄弟喺一八一二年嗰陣出版《格林童話》，將依個故仔收錄咗做第五十三個故事[1]。
《白雪公主》故仔嘅主角係一位公主，相傳依位公主生得好靚，而且肌膚好似雪咁白淨，所以個名就叫白雪。根據依家流通嗰個版本，白雪個後抵乸母后妒忌白雪生得靚過佢，所以就逼害白雪；白雪逃走，入到森林，遇到七個小矮人仲喺佢哋度住，及後惡毒女皇扮成阿婆請白雪食毒蘋果，令到白雪陷入昏迷。不過王子嚟到救返白雪，而惡毒女皇最後亦都無好下場。
喺廿一世紀初，《白雪公主》係世上最出名嘅童話故事之一，世界各地嘅細路都會喺故仔書等嘅媒體度接觸到佢。個故仔被改編過做好多影視作品，當中最出名嘅係迪士尼動畫片《雪姑七友》而日本嘅恐怖漫畫家伊藤潤二等人，仲有將個故事改編做恐怖故仔[2]。
嗌法
[編輯]《白雪公主》源自民間故事，所以坊間有流傳多個唔同版本。某啲版本可能同標準嘅版本有明顯出入[1][3]。
白雪嘅身世
[編輯]故事開頭係一個白雪紛飛嘅冬天晏晝，喺一笪遙遠嘅地方有座城堡，城堡嘅女皇坐咗喺窗邊做縫紉，做做下佢唔小心拮親手指，流咗幾滴血出嚟。佢望住紅色嘅血、白色嘅雪同埋黑色嘅窗框，就喺度諗：
過咗一段時間後，女皇生咗個女，女個名就叫白雪。女皇喺生產過程當中有困難死咗[註 2]。國王喺一年後娶咗個新嘅老婆做白雪嘅後抵乸，後抵乸女皇生得好靚，但佢份人心哋唔好仲會用巫術。依個惡毒嘅新女皇擁有一塊魔鏡。惡毒女皇朝朝早都會同塊魔鏡講嘢，問佢：
魔鏡次次都會噉答：
- 「我親愛嘅女皇，你就係世上最靚嘅。」
魔鏡唔識講大話，所以惡毒女皇每次聽到個答案都會好開心。
|
逃離城堡
[編輯]隨住白雪公主慢慢長大，佢親生母后嘅心願明顯達成咗－白雪公主肌膚好似雪咁白，朱唇好似血咁紅，而秀髮就好似酸枝木咁黑。到咗白雪七歲嗰陣，個個都睇得出佢第時會係個大美人。有一朝，惡毒女皇一如既往噉同魔鏡講嘢，問世界上邊個最靚，魔鏡噉答：
- 「我親愛嘅女皇，你個繼女白雪公主係世上最靚嘅。」
惡毒女皇聽到第一個反應係難以置信。心生妒忌嘅佢開始憎白雪公主。過咗一段時間之後，惡毒女皇決定要殺死白雪公主，於是佢搵咗個獵人返嚟，叫獵人帶白雪公主入森林然後殺咗佢。佢仲特登叫獵人攞白雪公主嘅心臟返嚟，證明白雪公主死咗。有啲版本仲話，惡毒女皇打算食咗白雪公主嘅心臟，令自己長生不死。
獵人聽惡毒女皇話帶住白雪公主入森林。入到咁上下，獵人就攞起一把匕首想郁手殺死公主，不過佢發覺自己唔忍心落手，跟住仲將成件事講晒畀白雪公主知。白雪公主聽到覺得好錯愕，
|
白雪公主一路係噉跑，最後喺森林深處搵到一間屋仔。白雪公主又驚又攰又肚餓，就上前去敲門。無人喺屋企。但白雪公主一推開道門見到檯上面擺滿晒食物又有美酒，佢飢腸轆轆就忍唔住攞咗啲嘢食嘢飲嚟充飢，然後佢覺得好攰就搵咗張舒服嘅床攤上去，攤下攤下睏著咗。
無幾耐，間屋仔嘅主人返到嚟。間屋嘅主人原來係七個小矮人。班小矮人發覺自己啲嘢食嘢飲畀人掂過嚟，然後就搵到睏著咗嘅白雪公主。白雪公主醒咗見到班小矮人，心知自己問都唔問就又飲又食係唔啱嘅，於是就道歉，仲向班小矮人解釋埋成件事嘅來龍去脈。班小矮人得知惡毒女皇噉樣嚟糟質白雪公主，就覺得好同情，肯收留白雪公主。心懷感激嘅白雪公主想報答班小矮人，決定要幫佢哋打理家頭細務。
班小矮人朝頭早會去山度採礦。佢哋人叮囑白雪公主，叫佢自己一個人喺屋企嗰陣要小心，唔好畀任何人入屋。
|
公主大個咗
[編輯]白雪公主一路同班小矮人住一路慢慢長大。一如所料，大個咗嘅白雪公主真係個絕世美女，而且佢唔只靚，仲心哋好好又落力做嘢，班小矮人都好鍾意佢。喺依個時候，惡毒女皇以為白雪公主死咗好耐，慣常噉企喺魔鏡面前問魔鏡：
- 「魔鏡魔鏡牆上嘅魔鏡，依個世界上邊個最靚？」
魔鏡好老實噉回答，話白雪公主係世界上最靚嘅，而且仲話埋畀惡毒女皇知白雪公主喺邊。
|
惡毒女皇聽到就扯火，決定要親自殺白雪公主。佢假扮成普通嘅阿婆，趁住小矮人去咗採礦，走去森林屋仔度。惡毒女皇一敲門見到白雪公主，佢聲稱話自己係商販，手上有啲好靚嘅蘋果－啲蘋果查實落咗毒。惡毒女皇將蘋果切開，乾淨無毒嗰邊就自己食，食完佢就將有毒嗰邊遞畀白雪公主，白雪公主覺得啲蘋果真係幾靚，就接受阿婆嘅禮物。點知白雪公主咬咗一啖，跟住就暈低。惡毒女皇於是就大笑住噉返城堡[註 5]。
|
|
班小矮人返到嚟搵到不省人事嘅白雪公主，叫極都唔醒，就即刻將白雪公主抬上床上面急救，但無論佢哋做啲乜，都救唔返白雪公主。班小矮人以為白雪公主死咗，於是就喊住噉將白雪公主放喺一個擺滿晒花嘅玻璃棺材裏面，準備同白雪公主搞喪禮。
班小矮人喺森林入面同白雪公主舉行喪禮。咁啱得咁橋有個王子打獵路過[6]，佢見到白雪公主咁靚就停低望咗陣，仲問班小矮人發生咗咩事。班小矮人將成件事講晒畀王子聽。王子聽到就提出，應該要帶白雪公主返去城堡（白雪公主家族世居嘅地方）嗰度安葬先至合理。於是王子、小矮人同王子啲僕人就郁手將白雪公主嘅棺材搬返城堡。搬搬下，王子其中一個僕人唔小心差錯腳，搞到個棺材震咗一吓。點知震咗下，就令到白雪公主由喉嚨嗰度
|
最尾嘅結局
[編輯]在場嘅眾人見到白雪公主奇蹟返生，就好開心。跟住白雪公主同王子一見鍾情，王子仲即場求婚。白雪公主接受。於是王子就同佢啲僕人話要郁手搞最盛大嘅婚禮。
同時返咗城堡嘅惡毒女皇諗住自己奸計得逞，就問魔鏡：
- 「魔鏡魔鏡牆上嘅魔鏡，依個世界上邊個最靚？」
魔鏡話，佢見到有個王子，王子娶咗個好靚嘅新娘，個新娘生得靚過惡毒女皇。惡毒女皇聽到簡直不敢相信，於是就走咗去王子嘅婚禮嗰度，想知依位新娘係何方神聖。
惡毒女皇一到婚禮現場，見到個新娘就係白雪公主，就又嬲又驚。佢即刻開始度橋，想諗新主意謀害白雪公主。不過王子已經知佢想做乜，於是就同在場嘅人開口，話惡毒女皇嘗試謀殺白雪公主，理應要受罰。然後佢就下令，叫佢啲手下準備一對用鐵造嘅鞋，用火將對鐵鞋燒到又紅又熱。熱到咁上下，王子就命令士兵迫惡毒女皇著住鐵鞋嚟跳舞，惡毒女皇承受火燒噉嘅痛楚一路跳，跳跳下就躂低死咗[註 6]。
最後王子同白雪公主嘅婚禮就繼續和平噉進行，大團圓結局。
|
影響
[編輯].jpg)
《白雪公主》非常出名。到咗廿一世紀初，世界各地嘅大人同細路都會喺各種媒體中接觸到《白雪公主》或者改編自《白雪公主》嘅虛構故事，例如迪士尼嘅一九三七年動畫片《雪姑七友》（英文名叫 Snow White and the Seven Dwarfs —個故仔基於白雪公主）就舉世聞名，考慮埋通脹嘅話套戲係廿世紀其中一套票房最好嘅戲[7]。
除咗《雪姑七友》之外，仲有數之不盡嘅電影係取材自《白雪公主》嘅－例子可以睇吓二零一二年奇幻片《白雪公主之魔幻復仇記》、二零一六年奇幻片《獵神：魔雪叛變》同埋一九五五年港產片《雪姑七友》呀噉。
有唔少創作者都有作《白雪公主》嘅黑暗版，例如
睇埋
[編輯]註釋
[編輯]- ↑ 唔少人覺得好似血咁紅有啲得人驚，所以將句嘢改做例如朱唇好似車厘子咁紅或者朱唇好似玫瑰咁紅。
- ↑ 唔同版本喺依個位有明顯差異。而家主流版本係話女皇喺生產途中死咗；而一八一二年原版係話女皇無死，但其後佢啲行為同後抵乸一樣。
- ↑ 標準英文版："Mirror mirror on the wall, who is the fairest one of all?"
- ↑ 依度可能有翻譯問題。雖然依度譯做廣東話靚，但 fair 依隻字嚟自古英文 fæger，攞嚟形容人嗰陣通常係特定噉指靚得嚟皮膚白淨嗰種靚。
- ↑ 其實原版仲有講，惡毒女皇三次嘗試謀害白雪公主，第三次用毒蘋果先成功。
- ↑ 好多人都覺得依 paat1 暴力得滯，所以好多版本嘅故仔都會對依段做少少修改。例如迪士尼嘅《雪姑七友》就話惡毒女皇下場係跌落懸崖死亡。
- ↑ 個短篇故仔相當暴力而且有性愛描寫，唔啱細路睇。
引述
[編輯]- 1 2 Jacob Grimm & Wilhelm Grimm: Kinder- und Hausmärchen; Band 1, 7. Ausgabe (children's and households fairy tales, volume 1, 7th edition). Dietrich, Göttingen 1857, page 264-273.
- 1 2 5 Junji Ito Short Stories You Must Read (& 5 To Skip). CBR.com.
- ↑ Bruford, Alan and Donald A. MacDonald (1994). Scottish Traditional Tales Edinburgh: Polygon, pp. 98-106，有講到蘇格蘭版本嘅《白雪公主》。
- ↑ fair (adj.). Online Etymology Dictionary.
- ↑ Mirror, Mirror: Does 'Fairest' Mean Most Beautiful Or Most White?. npr.
- ↑ Gerard Brault (1985). "Hunting and Fowling, Western European". Dictionary of the Middle Ages, vol.6, pp. 356-363.
- ↑ "Top Lifetime Adjusted Grosses". Box Office Mojo.
- ↑ 〈伊藤潤二が独自の視点から「白雪姫」描く読切〉。原著喺2023年6月24號歸檔。喺2023年6月24號搵到。
- ↑ Classic Comic Compendium: Snow, Glass, Apples. The Beat.
拎
[編輯]