白雪公主

《白雪公主》

《白雪公主》（德文：Schneewittchen）係德國《格林童話》入面其中一個故仔，亦係故仔入面女主角嘅稱呼。家陣流行嘅版本，講白雪公主畀後抵乸皇后逼害，著草到森林，撞到七個小矮人，喺佢哋度住，之後皇后再化身做阿婆請渠食毒蘋果，搞到暈咗……最後由王子救返，皇后亦都無好下場。

呢個故仔畀人改編過好多影視作品，當中最出名係迪士尼動畫戲電影《雪姑七友》。

短句

喺古英文當中，fæger（現代英文字 fair 嘅前身）係一個形容詞，用嚟形容人嗰陣通常係指「靚，尤其係指靚得嚟皮膚白淨嗰種靚」噉嘅意思；呢點喺打後嘅英文度都見得到，例如《白雪公主》嘅英文版噉，就有用 the fairest of them all 呢句短語描述出嗮名「生得靚、皮膚好似雪咁白」嘅白雪公主－句短語意思係話白雪公主係「佢哋當中最白淨最靚嘅」噉解。