喪屍

出自維基百科,自由嘅百科全書
2010年有班人喺度扮喪屍。

喪屍粵拼song3 si1英文Zombie)喺傳說當中係指死咗嘅人無咗靈魂,但係識喐,或者一個活人失去咗意識受人控制。呢個概念最初來自中非語言金本杜語嘅nzùmbe/nzumbi一詞,原來嘅意思係死人。後來喪屍又有另外嘅意思,用來形容有啲人無自己嘅思想,話佢哋「形同喪屍」。源於非洲嘅巫毒教信仰,喺現代嘅好多遊戲同文藝作品時有出現。喪屍同吸血鬼或者殭屍,歸類於不死生物[1]

喪屍原本係海地嘅巫毒教祭祀落毒嚟驅使從事勞役活動。

屬性[編輯]

睇埋:死靈

最初嘅喪屍形象為:

  • 唔具有意志、但可以活動嘅死人
  • 動作遲緩
  • 由海地巫毒教嘅巫師施法形成,並聽命於佢,作為奴隸永遠幫主人做嘢

東方傳說對喪屍、殭屍嘅描述喺細節上有好多唔同,但佢哋都有一啲共同屬性,例如:

  • 鍾意食人肉
  • 除少數例外,通常只剩低獸性本能
  • 具有傳染性,俾喪屍攻擊嘅都可能變成喪屍

隨住喪屍喺現代文學同影視娛樂作品中多次出場,形象日益豐富,被賦予好多新屬性,例如:

  • 係由病毒或化學毒物引起嘅人體異變所形成
  • 智力低下、行動遲緩
  • 少數喪屍身體結構出現特化,動作異常敏捷、力量巨大或者有各種特殊能力。
  • 對人類同其他生物有攻擊性,但唔會攻擊同類
  • 個頭一被摧毀,身體會永久停止行動。但無論點攻擊其他部分,身驅就算千瘡百孔依然可以繼續行動
  • 可能冇觸覺同視覺,但對物體震動(好似聲音)可能會有反應。另外有啲可能會俾生物嘅味道或者氣息吸引。

而家一啲作品強調殭屍嘅攻擊性同傳染性以描繪浩劫題材,有別於早期嘅喪屍傳說,外表多被描述為具嚴重外傷、腐肉、衫破損,面臉僵直而且全身帶有血漬等。

巫毒教中嘅喪屍[編輯]

根據海地巫毒教信仰,「Houngan」或者「Mambo」可以令死者返生,返生之後嘅死者冇自主意識並俾舉行復活儀式嘅人操縱,經呢嗰方法返生嘅死者叫喪屍。但噉並唔係真係死者返生。例如喺海地有好多喪屍傳說,其實係源於當地巫師用藥迷暈受害人後,用迷幻藥同催眠等手段控制嘅害人行動。據描述,巫師會喺受害者啲嘢食或者經常接觸嘅嘢上落毒,令受害者出現「假死」現象。佢哋會喺喪禮之後將受害者嘅屍體掘出嚟,再喺佢個頭插一支木條,破壞其記憶系統。受害者於是失去記憶,對佢哋嘅新主人唯命是從。呢啲喪屍通常喺農地俾人當工人使。

近代虛構作品中嘅喪屍[編輯]

睇埋:恐怖故仔

喪屍喺各式各樣嘅恐怖、科幻或者奇幻類文學、電影、電玩、漫畫中屢次登場。喺呢啲作品中,喪屍具有不斷傳染,同化人類嘅能力。由病毒或者化學毒物作為媒介,通常藉住抓傷、咬傷或者寄生蟲喺人甚至動物間傳染,受害者通常會瀕死並轉化成喪屍。喺一啲作品中,轉化嘅現象係死後先出現;而喺另一啲作品中,細胞完全死亡嘅生物唔可以變成喪屍。喺《Resident Evil》,植物都可以感染病毒而成為喪屍。

當代作品對喪屍嘅設定始見於科幻小說《The last of us》中嘅「吸血鬼」。書中嘅「真吸血鬼」並唔似西方傳說中嘅吸血鬼,書中嘅「疑似吸血鬼」反而同西方傳說中典型嘅「吸血鬼真祖」相似。確認近代喪屍形象並有深遠影響嘅係恐怖電影《活死人之夜》,呢部作品中嘅喪屍行動遲緩、智力低下、成群出現並攻擊活人,俾佢哋咬傷嘅人都會變成喪屍。後來好多恐怖作品都沿用噉嘅設定。

對於影視作品嚟講,喪屍形象嚟自冇複雜嘅歷史背景或者森嚴嘅社會等級嘅非洲文化,唔需要吸血鬼真祖、吸血鬼貴族等複雜嘅設定,更接近活死人嘅本來面目。

喺電子遊戲中出現喪屍、吸血鬼等不死生物一般係為咗營造恐怖氣氛。尤其係日本嘅恐怖題材電子遊戲經常出現人類同喪屍對抗嘅劇情,歐美地區嘅動作射擊遊戲有時亦出現喪屍角色。以喪屍、外星生物等虛構生物作為敵方角色可以避免出現武力傷害人類嘅暴力場面。電子遊戲中嘅喪屍通常被設定為俾病毒惹到,源頭嚟自企圖利用喪屍或者病毒作為生物武器嘅集團或者機構,最終造成人類浩劫。

類似生物[編輯]

睇埋:死靈

拉雜相關[編輯]

[編輯]

  1. Botting, F. (2011). Zombie death drive: Between gothic and science fiction. Wasson and Alder, 36-54.

[編輯]