喺歐洲同英文圈嘅民間傳說入面，男夢魔naam4 mung6 mo1（英文：incubus）係種邪靈。
男夢魔冚唪唥都係男性。相傳佢哋會喺夜晚嗰陣搵瞓緊覺嘅女人，嘗試同呢啲女人做愛。根據某啲中世紀嘅傳說，一個女人同男夢魔做過愛，會生出能夠用巫術嘅細路，例如好出名嘅魔法師梅林就有傳說話佢阿爸係隻男夢魔。
魅魔（succubus）一般畀人認為係男夢魔嘅女性版本。
