超級英雄

出自維基百科,自由嘅百科全書
跳去: 定向搵嘢

超級英雄Superhero)係幻想出嚟嘅英雄角色。唔少地方都有佢哋嘅超級英雄,但因為文化唔同,所以超級英雄分成幾種地區嘅類別。

美國[編輯]

美國嘅超級英雄多數都着緊身衣,以凸顯肌肉,好似超人美國隊長等,但都有啲唔着緊身衣嘅,好似變形俠醫雷神奇俠等。女嘅就多數着短袖嘅緊身衣,以凸顯身材,好似She-hulk同Wonder Woman等,亦都有啲會好似Spider-woman同Scarlet Witch咁樣着長袖嘅。

美國嘅超級英雄分三類:

多數超級英雄都係後天超能力者,而冇超能力者就多數用高科技裝備或後天訓練彌補先天不足。用高科技裝備嘅超級英雄嘅例子有鐵甲奇俠,佢發明唔同嘅裝甲嚟對付唔同嘅敵人,例如發明過Hulkbuster嚟對付變形俠醫同Thorbuster嚟對付過雷神奇俠。而後天訓練嘅超級英雄就如鷹眼,透過訓練箭術同武術成為超級英雄。又用高科技裝備同後天訓練嘅超級英雄就例如蝙蝠俠,用高科技裝備同靈巧嘅身手成為超級英雄。

美國嘅超級英雄多數住喺同一個世界,例如驚奇漫畫嘅正統世界係Earth-616。

美國嘅超級英雄鍾意講力量,例如超人至少有1,000,000噸嘅力量。

日本[編輯]

日本嘅超級英雄多數都係靠「變身」獲得超能力,好似幪面超人或戰隊之類。

有啲日本嘅超級英雄都鍾意講力量,好似幪面超人嘅拳擊力係3噸咁。