英雄射擊遊戲

英雄射擊遊戲（參見英文：hero shooter ）係射擊遊戲嘅一類，特徵係佢哋強調英雄噉嘅角色。呢啲角色會有固定嘅異能，玩家冇得自由組裝自己嘅角色。呢種玩法係稍為減少咗玩家嘅自由度，但往往會令到啲角色個個都有明顯嘅個性。

基本諗頭

睇埋：射擊遊戲同英雄

喺視像遊戲入便，技能指一個遊戲角色可以使用嘅異能，喺動作遊戲同角色扮演遊戲之中都會出現，例如某隻射擊遊戲，可能會每個角色准有兩個技能可以用，每位玩家設計自己嘅角色嗰陣，有得由成隻遊戲嗰成幾十種技能當中，揀兩種啱心水嘅嚟用，而唔同配搭能夠造出唔同嘅戰術玩法。典型嘅英雄射擊遊戲就唔同，呢啲遊戲嘅做法係有一班由製作組事先設計好嘅角色，當中每一個嘅技能配搭（英文：kit ）係固定不變嘅。

喺實質嘅英雄射擊遊戲之中，製作組為咗加強啲角色嘅個性，往往仲會為佢哋寫好多背景故事。

常見角色

有某啲角色類型，硬係喺唔同嘅英雄射擊遊戲中出現，例如：

• 坦克型角色：呢種角色通常擁有極高嘅生命值同埋有防護手段，例如係盾牌噉，職責係為隊友吸收傷害、佔據據點等等。
• 治療型角色：團隊嘅後盾，負責支援隊友，尤其係有能力回復隊友嘅生命值。

作品一覽

睇埋：絕地要塞 2

例子可以睇睇

• 絕地要塞 2
• 鬥陣特攻
• Apex 英雄
• 漫威爭鋒

睇埋

• 角色職業
• 超級英雄