科學奇幻
科學奇幻（粵音：fo1 hok6 kei4 waan6）係虛構故事嘅一種文類，結合科幻與奇幻：傳統上，奇幻故事多數會以魔法同超自然現象做主軸，而歐美或者日本出嘅奇幻作品成日會設喺類似中世紀歐洲嘅虛構世界；相比之下，科幻就會設喺未來嘅世界，仲成日會極先進科技相關嘅橋段。唔少人因而覺得兩者本質上就係對立嘅，不過有啲創作者會將兩者融合，同時使用兩種文類嘅典型橋段，同時唔偏重任何一邊－噉嘅作品就會歸類為科學奇幻[1]。
某啲軟科幻作品，名義上係科幻，但係唔太理會做到科學上準確，都有機會俾人當係科學奇幻[2][3]。
橋段例子
[編輯]
科學奇幻最大嘅特徵，就係會將科幻橋段同奇幻橋段溝埋一齊嚟用。
以下係一啲可能嘅
橋：用魔法噉嘅方式操作科技
例如使用某啲高科技裝置會被描述為「施法」噉嘅字眼，或者操作者要用咒語開動機械。
例如虛構宇宙中嘅某啲星球唔只係地理空間，而係有意識、有生命嘅物體。例子可以睇睇二〇一七年電影《銀河守護隊第二集》中嘅情節。
橋：魔法同基因改造並存
例如有啲角色一方面可以用魔法，另一方面故事中又將呢種能力解釋為「經過科學實驗或者改造」而得到嘅異能。例如《最終幻想系列》中多部作品都有噉嘅情況。
作品例子
[編輯]以下呢啲作品都被指係科學奇幻。
- 《最終幻想 VII》：故仔背景係虛構星球蓋亞，蓋亞地殼裡便充滿咗一種綠色嘅流體叫魔晄，俾人稱為星球之血。蓋亞上嘅人類發現魔晄可以抽出嚟做能源，甚至凝結成魔晶石可以用嚟施展「魔法」（召令火同雷電等）。巨型企業神羅公司靠魔晄發電、發展科技，成為蓋亞最強勢力。另一方面，有人認為抽取魔晄等同殺死星球，所以建立咗地下組織反抗神羅。主角卡勞德（英文：Cloud）係神羅實驗製造出嚟嘅超級士兵，喺故仔開始嗰陣佢跳出神羅，變成僱傭兵，參與魔晄爐破壞行動。成個故仔講到能源爭奪、反烏托邦式嘅社會、外星生命、魔法等嘅元素，兼備科幻嘅科技想像同埋奇幻嘅神秘力量，被指係典型嘅科學奇幻[4]。
- 《戰鎚 40,000》：呢個系列屬於微模型打仗遊戲，亦有出視像遊戲等嘅產品；戰鎚 40,000 有複雜嘅虛構宇宙，呢個宇宙設喺幾萬年後嘅世界；人類擁有極高科技－例如可以穿越星際空間嘅太空船、受過基因改造嘅戰士等。不過同時，佢哋嘅宇宙中亦有邪靈同神祇嘅存在。成個宇宙觀有齊宗教信仰、預言、魔法等嘅元素，反映咗魔法與科技共存嘅宇宙觀。因此，戰鎚 40,000 被指係結合咗科幻同黑暗奇幻[5]。
- 《寵物小精靈》：喺世界觀上被指帶有科學奇幻嘅特質；寵物小精靈嘅故事發生喺一個虛構世界，入便有一種稱為小精靈嘅神奇生物，小精靈識噴火、放電、操控自然元素，甚至有心靈感應等嘅異能。呢個世界嘅人類會用精靈球呢種高科技裝置收服精靈，仲有埋研究所、電腦儲存系統等嘅現代科技配套；好多寵物精靈形態上似現實嘅物種，但亦有部份寵物精靈似神話嘅角色。呢個世界被指係融合咗科技與魔法，而且將呢啲嘢自然化噉呈現喺作品入便，反映科學奇幻嘅特質。
睇埋
[編輯]引述
[編輯]- ↑ Slusser, George Edgar; Rabkin, Eric S., 編 (1987). Intersections: Fantasy and Science Fiction. SIU Press. ISBN 978-0-8093-1374-7.
- ↑ Malmgren, Carl D. (1988). "Towards a Definition of Science Fantasy (Vers une définition de la fantaisie scientifique)". Science Fiction Studies. 15 (3): 259–281. doi:10.1525/sfs.15.3.259. JSTOR 4239897.
- ↑ Eric R. Williams, The Screenwriters Taxonomy: A Collaborative Approach to Creative Storytelling, p. 121
- ↑ In Our Sci-Fi Dystopia Of 2020, 'Final Fantasy VII' Feels More Timely Than Ever. Forbes.
- ↑ Theisen, John A. (1988). "Reviews". Challenge.第35號. pp. 77–79.
