命定悖論（英文：predestination paradox）係指一件事件引致下一件，但下一件事件同時又係第一件事件嘅起因。原則上，呢點唔符合邏輯，不過某啲故仔會講角色因為穿越時空而遇到命定悖論。例：主角坐時光機返到過去想避免一場火燭發生（火燭發生引致主角想返到過去），但主角喺未發生火燭嘅時間唔小心撞跌咗一盞煤油燈，搞到火燭（主角想返到過去引致火燭發生）。
