機甲

出自維基百科,自由嘅百科全書
2012 年喺東京展出嘅一部機甲。

機甲粵拼gei1 gaap3英文mecha日文meka),又或者叫kaa4,係一種戰鬥用機械,可以但唔一定由人類坐喺入面直接操作。機甲嘅特徵係會有肢體,唔似得(例如)坦克車或者戰鬥機噉。响整體形狀上,機甲通常係似人類,但亦有好多虛構作品會用機甲一詞嚟稱呼「有肢體,形狀似非人動物嘅戰鬥機械」[1]

機甲呢個諗頭相當受歡迎,視像遊戲電影文學漫畫等嘅創作品都有描繪作者想像中嘅機甲。到咗廿一世紀初,「喺實戰上採用機甲」仲係純屬科幻嘅範疇,係一種幾常見嘅科幻橋段,不過亦有唔少機械工程同埋軍事科技方面嘅研究者响度嘗試實現呢個構想[2]

嗌法[編輯]

機甲响日本話入面個名叫 meka,嚟自英文

等嘅字眼。隻日本話字詞寫嗰陣通常會攞片假名寫做メカme ka,呢隻字詞亦有可能借入粵語粵拼me1 kaa4 —大致粵音假借kaa4[3]

科幻想像[編輯]

內文:科幻軍事科幻

科幻作品入面嘅孭咔可以分做兩大類:

  • 」孭咔:指相對真實嘅孭咔;呢啲孭咔會遵從現實世界嘅工程學知識,唔會違反已知嘅物理定律;作者通常會將呢啲孭咔描繪成能夠或多或少噉量產而且望落似「識行路嘅坦克」;呢啲孭咔會好似現實世界嘅戰鬥機械噉,要求使用者有策略噉用,往往仲會團隊作戰[2]
  • 」孭咔:呢種孭咔比較架空,接近奇幻;呢啲噉嘅孭咔成日都完全唔真實—例如係好似摩天大廈咁高,仲識合體呀噉,好多時違反晒物理定律,而且就算唔違反物理定律,呢啲孭咔通常不切實際,由工程學角度睇完全唔夠效率。呢啲孭咔好多時都會扮演「英雄」,單獨或者少數上陣打怪獸[4],例子可以睇吓《新世紀福音戰士》。

亦可以睇吓硬科幻軟科幻呢兩個概念。

幾部想像中嘅「識行嘅戰鬥機械」

視像遊戲[編輯]

廿一世紀初荷蘭呢座雕像描繪想像中嘅機甲。
睇埋:射擊遊戲同埋戰略遊戲

孭咔响視像遊戲裏面好常見。唔少視像遊戲都設計到畀玩家體驗揸孭咔或者指揮孭咔戰鬥嘅快感。例如:

  • 前線任務系列》:由 Square Enix 開發嘅回合制策略遊戲,描繪「識行路嘅坦克」噉嘅孭咔,有大量嘅部件畀玩家組裝自己部隊嘅孭咔,而且仲有相當複雜嘅故仔[5]
  • 裝甲核心系列》:第三身射擊遊戲,要玩家响相對細嘅競技場裏面互射;描繪比較「軟」嘅孭咔,講到啲孭咔識上天下海而且傾向單獨作戰。都係有好多唔同部件畀玩家組裝自己嘅孭咔[6]
  • 神兵泰坦》:第一身射擊遊戲;同第啲孭咔遊戲唔同嘅係,《神兵泰坦》有相當部份係要玩家角色岸闊on6 fut1(on-foot)嘅—响一場典型嘅對局當中,玩家角色一開始嗰陣要岸闊,打到咁上下(殺到咁上下數量嘅敵人或者造成咁上下量嘅傷害)玩家先可以召喚自己嘅孭咔;噉即係話,對局當中有可能出現「岸闊嘅玩家對抗孭咔」噉嘅情況;隻遊戲設計有牆上跑等嘅機制令岸闊嘅玩家有極高機動性,有可能出現「岸闊玩家跳到高處,孭咔淨係可以响地面嘗試開槍射佢哋」噉嘅情況,令到岸闊嘅玩家對抗孭咔嗰時依然叫做可以有少少勝算[7][8]

呀噉。

係咪可行[編輯]

睇埋:軍事科技同埋機械人學

响廿一世紀初,「識行路嘅坦克」類型嘅孭咔係就係可以整到出嚟,但被指完全唔實際:理論上,孭咔可以有佢哋嘅優勢—有肢體令佢哋更加容易上斜坡或者避開障礙物(講緊同坦克車相比);不過有工程學研究指,機械肢體用起能量上嚟效率遠遠唔及等傳統軍事科技用嘅移動方式,即係話孭咔郁嗰時要嘥多好多能量先可以達致相同速度(都係講緊同坦克車比),所以軍事科技工作者並冇誘因要發展孭咔。不過亦有呢方面嘅工作者相信,只要有設計得啱嘅機械肢體,孭咔可以達致同坦克車相約—甚至超越坦克車—嘅能量效率[2]

睇埋[編輯]

引述[編輯]

  1. Erickson, Hal (2005). Television Cartoon Shows: An Illustrated Encyclopedia, 1949 Through 2003 (2nd ed.). McFarland & Co. pp. 940-942.
  2. 2.0 2.1 2.2 Why The U.S. Army Is Considering Walking Vehicles. Forbes.
  3. Meaning of メカ in Japanese. Japanese dictionary.
  4. MECHA SIZE COMPARISON REVEALS GIANT ROBOTS LARGER THAN KNOWN UNIVERSE, Nerdist.
  5. Front Mission 1st: Remake is an appetizer for better mech strategy RPGs to come. PC Gamer.
  6. Where to Find and Play Every Armored Core Game & Expansion. CBR.
  7. Treacher, D., Holmes, L. G., & Michelbach, C. (2014). P1_1" Prepare for Titanfall". Physics Special Topics, 13(1).
  8. Fortnite could be adding Titanfall-style Wall-Running in Chapter 5. Dexerto.

[編輯]