矮人

出自維基百科,自由嘅百科全書
跳去導覽 跳去搵嘢
一個典型嘅廿世紀矮人形象

矮人粵拼ngai2 jan4英文dwarf眾數dwarves)係源自古代日耳曼人民俗嘅一種傳說生物,亦都成日出現喺廿世紀起嘅奇幻故仔當中,例如《魔戒》嘅世界就有以矮人族做中土世界嘅主要種族之一[1]

喺現代奇幻當中,精靈通常畀人描繪成生得矮,但身體粗壯力大無窮,男嘅矮人通常會有濃密嘅鬍鬚,好多時畀人描繪成喺工藝上有特殊天賦,能夠打造精良嘅武器,例如《魔戒》入面就有零舍擅長採礦同打造武器嘅矮人族[2]

古代傳說[編輯]

19 世紀一幅圖畫,描繪廿世紀前傳說中嘅矮人嘅形象。
睇埋:仙子精靈北歐神話同埋維京人

矮人嘅形象源自日耳曼人德國人瑞典人挪威人等幾個民族嘅祖先)嘅民間傳說。根據呢啲傳說,矮人屬於仙子(fairy)嘅一類,可以再細分幾種,不過冚唪唥都生得矮,有啲得嗰 45 cm 左右咁高,個樣據講就多數似鬍鬚濃密嘅老男人,有啲會駝背[3]

啲傳說仲有講到,矮人可以分做山矮人礦矮人兩大派[4]

  • 山矮人:顧名思義住喺深山;山矮人有相當程度嘅文明,分做多個王國部落,有高度嘅社會組織-啲傳說有講到矮人國王軍隊;佢哋會住喺地底嘅宮殿裏面,儲埋好多黃金寶石,而且佢哋仲好聰明,擅長金工等嘅工藝,識得用礦物打造有魔法力量嘅戒指,有部份嘅傳說甚至仲話山矮人有特異能力,曉(例如)變身或者隱形呀噉。一般認為,山矮人冇乜惡意,有陣時仲可能會好心幫人,不過有部份嘅山矮人會偷嘢,甚至拐走人類,尤其鍾意拐生得靚嘅後生女仔[註 1]
  • 礦矮人:據講住喺礦山底層,一般都冇山矮人咁友善,所以礦工好多時都會因為驚咗佢哋而(例如)擺低啲嘢食喺礦場度做貢品。

現代奇幻[編輯]

睇埋:奇幻托爾金同埋魔戒

廿世紀起嘅奇幻故仔成日都會提到矮人,當中著名英格蘭作家托爾金(J. R. R. Tolkien)嘅《魔戒》(LotR)廣泛噉畀人話係創始咗現代奇幻當中嘅矮人形象:托爾金深受日耳曼人[註 2]嘅文化影響,大量噉喺佢啲作品裏面採用源自古日耳曼民間傳說嘅橋段,例子有矮人同精靈;《魔戒》描繪嘅中土世界嘅居民分做好幾個種族,當中矮人就係其中一族;中土世界裏面啲矮人同日耳曼人傳說入面嗰啲好相似-佢哋生得矮但身體粗壯力大無窮、著住好似維京人噉嘅服裝、鍾意黃金同、鬍鬚濃密、而且擅長採礦同打造武器[2]

《魔戒》係廿世紀最出名嘅奇幻作品之一,對奇幻界影響深遠,例如

... 等嘅著名奇幻作品都有用到托爾金式嘅矮人。

除咗《魔戒》之外,1937 年嘅著名迪士尼動畫戲雪姑七友》都有講到擅長採礦嘅矮人。

圖集[編輯]

註釋[編輯]

  1. 「會拐走人類」呢點好似典型嘅中世紀仙子
  2. 英格蘭人都係日耳曼人嘅後代之一。

睇埋[編輯]

文獻[編輯]

  • Griffiths, Bill (1996). Aspects of Anglo-Saxon Magic. Anglo-Saxon Books.
  • Liberman, Anatoly (2016). In Prayer and Laughter. Essays on Medieval Scandinavian and Germanic Mythology, Literature, and Culture. Paleograph Press.

[編輯]

  1. Hafstein, Valdimir Tr. (2002). "Dwarfs" as collected in Lindahl, Carl. McNamara, John. Lindow, John. (2002).
  2. 2.0 2.1 Gilliver, Peter. Mashall, Jeremy. Weiner, Edmund (2009). The Ring of Words: Tolkien and the Oxford English Dictionary. Oxford University Press.
  3. Gundarsson, KveldulfR Hagan (2007). Elves, Wights, and Trolls. Studies Towards the Practice of Germanic Heathenry, 1. iUniverse.
  4. dwarf. Encyclopedia Britannica.

[編輯]