萬聖夜

出自維基百科,自由嘅百科全書
積克南瓜燈

萬聖夜maan6 sing3 je6英文Halloween,可以借入粵語粵拼haa1 lou1 win1)係源自西方世界嘅一個傳統節慶,每年10月31號舉行。

廣東話入面,萬聖夜又有叫西洋盂蘭節sai1 joeng4 jyu4 laan4 zit3[1][2]哈囉喂haa1 lou2 wai3鬼佬盂蘭(節)gwai2 lou2 jyu4 laan4 zit3[3][4](番)鬼佬鬼節faan1 gwai2 lou2 gwai2 zit3[5][6][7],之不過坊間好多人講萬聖節,查實係萬聖節前夕至真[8]。呢個節慶係北美英倫諸島至多人過,跟住係澳洲紐西蘭。嗰晚細路會扮鬼扮馬,逐家逐戶拍門𠼮人畀糖果過佢哋,佢哋見人應門就會講 Trick or Treat [9]。聽到呢句說話,屋主就習慣派糖果過佢哋。

詞源[編輯]

睇埋:諸聖日

萬聖夜嘅英文「Halloween」其實係「All Hallows' Eve」嘅縮寫,類似平安夜嘅「Christmas Eve」噉,係指「萬聖日」(All Hallows' Day,又叫All Saints' Day)嘅前一晚。

事實上 「Halloween」 有個舊串法 「Hallowe’en」,當中嘅 「e’en」 就係 「even」(即係 eve,前夕)嘅減筆

傳統[編輯]

萬聖夜嘅兩個傳統活動,化粧攞糖英文Trick-or-treating(Trick-or-Treating)[10][11]其實都有意思。化粧其實係為咗喺百鬼夜行嘅萬聖夜,裝扮到比鬼怪更加得人驚,噉就可以嚇走佢哋,唔驚俾佢哋騷擾。而拍門攞糖嘅行為其實係重現返中世紀時期,一啲窮人會喺萬聖節當日逐家逐戶去拍門問人攞嘢食,然後喺第二日追思節為嗰啲家庭已故嘅成員祈禱嘅舉動。

萬聖夜嘅主題係鬼怪、嚇人,以及同魔法怪物有關嘅事物。而通常同萬聖夜扯上關係嘅事物有鬼魂食屍鬼巫婆蝙蝠黑貓貓頭鷹精靈殭屍骷髏惡魔等,重有虛構人物例如吸血殭屍科學怪人

黑色橙色係萬聖夜嘅傳統,但而家萬聖夜嘅產品亦都會用紫色綠色紅色。而秋天嘅元素例如南瓜稻草人等,都係萬聖夜嘅象徵。

雖然傳統上萬聖夜嘅化粧係扮鬼,但係而今嘅流行做法已經唔一定係扮鬼。例如,喺北美好多人會扮例如超級英雄、扮公主等等,有啲基督徒就反轉會扮聖人

睇埋[編輯]

[編輯]

  1. Katy扮希拉莉遭翻舊帳控侵權
  2. 萬聖節食品
  3. 蘭桂坊的徒子徒孫 - 鄧達智
  4. 圣诞惊艳
  5. 驚青鬼星座
  6. 【劉郎憶新】劉天賜|萬聖節
  7. 製17呎鬼王供人捐腳底 紙紮大王 鬼節賺百萬
  8. (香港中文). 香港: 讀者文摘. 1978年. p. 287.
  9. 呢三個字解「整蠱定甜頭」,言下之意即係「而家是必要你揀,一係派糖過我,一係整鬼你。」
  10. 為萬聖燈籠續命的南瓜
  11. 成千上萬的美國人慶祝萬聖節