巫婆
 |
女巫（粵拼：neoi5 mou4）、巫婆（粵拼：mou4 po4）（多數指老嘅）、巫女（粵拼：mou4 neoi5*2）（專指嫩嗰啲），喺西方文化度係指識用巫術、魔法、占星術等超自然能力嘅女人。
佢嘅英文「witch」係嚟自古英文嘅 wicca [ˈwittʃɑ] 同 wicce [ˈwittʃe] 。
基本特性[編輯]
相關故仔[編輯]
巫婆成日出現喺虛構故仔入面。
童話故事[編輯]
童話故事成日都提到巫婆。《白雪公主》講到大奸角惡毒皇后有塊魔鏡，塊魔鏡識講嘢會話佢知「邊個係世上最靚嘅」，而惡毒皇后就係靠住呢塊鏡得知白雪公主住喺七個小矮人嗰度。
除此之外，亦可以睇吓《長髮姑娘》、《糖果屋》同埋《人魚公主》等嘅故仔。
耶加婆婆[編輯]
耶加婆婆（Baba Yaga）係個好出名嘅傳說巫婆。耶加婆成日出現喺俄羅斯同埋其他斯拉夫民族嘅童話同民間傳說入面。喺形象上，耶加婆婆顧名思義係一位阿婆，會坐住碌
喺外形上，耶加婆婆通常係生得好醜樣嘅巫婆，通常會响森林出沒。佢好興坐住個巨型嘅舂臼飛，會攞住掃把敲打舂臼嚟改變飛行嘅速度同方向。佢坐住嗰個舂臼飛起上嚟可以快得好交關，畀耶加婆婆追嘅人跑得幾快都走唔甩。
相傳耶加婆婆住喺一間怪屋仔裏面，間屋仔有好似雞噉嘅腳，仲識行。間屋嘅窗口對住森林，門口就對住牆。一旦耶加婆婆感覺到有細路喺森林蕩失路，就會叫間屋企轉向，打開個窗，準備捉細路。亦都有啲傳說話，耶加婆婆嘅屋仔會有用人骨造嘅圍欄，經過嘅人可以由人骨嘅數量睇得出耶加婆婆殺咗幾多人。
睇埋[編輯]
參攷[編輯]
- ↑ Johns, Andreas (2004). Baba Yaga: The Ambiguous Mother and Witch of the Russian Folktale. New York: Peter Lang. p. 1-3.
