人食人

人食人（粵拼：jan4 sik6 jan4 ）顧名思義係指緊人類中嘅同類相食行為。現代來睇，咁好野蠻，咁嘅行為，得蠻荒社會咁做。隨住文明，隨住現代化變得罕見，法律通常會禁止^[1]。但史上亦有不得已情況，無嘢食咁至常見，例如打仗圍城、墮機入雪山咁，無得食可能會食屍。除咗倫理道德問題，人食人有成病風險，庫魯病咁，朊毒體就咁直接傳播，其他人類傳染病亦可能直入身。有文明後，一般經驗唔允許人咁做。

定義

喺動物行為學上，同類相食係指某物種嘅個體食用同自己同一物種嘅其他個體。例如人類食人類，狼食狼，或者螳螂食同一物種嘅螳螂。當中物種係關鍵詞，假如一隻螳螂捕食同佢唔同物種嘅螳螂，就唔算係同類相食。

人食人就係指人類嘅同類相食行為。

喺人類歷史同文化嘅記錄中，人之中嘅同類相食係一種極具爭議性嘅現象。喺現代社會，人食人一般都會被視為令人厭惡嘅行為，但喺某啲情況下會容許，例如若果某人喺饑荒嗰陣肚餓得滯而食死咗嘅人嘅肉，多數人都會覺得佢此舉係情有可原^{[未記出處或冇根據]}。

喺某啲人類群體之中，食人肉可能係某啲儀式嘅一部份。譬如食用自己群體內嘅成員，可以係出於對死者嘅尊敬或哀悼，例如有啲部族相信食逝去親人嘅遺體，可以保留佢哋嘅精神、智慧或力量^[2]，避免將遺體留俾敵人食或自然分解。

古代亦有唔少社會會將打仗捉返嚟嘅敵人煮嚟食，呢種情況喺南美洲嘅阿斯達文明當中幾常見^[3]。

有唔少創作品都有情節描述人食人，尤其係恐怖類嘅虛構作品，時會用人食人做橋段。

以人食人為主題嘅虛構作品或者民間故事：

↑ Tannahill, Reay. (1996). Flesh and Blood: A History of the Cannibal Complex (New and updated ed.). Boston: Little, Brown.
↑ Collins, S; McLean CA; Masters CL (2001). "Gerstmann-Straussler-Scheinker syndrome, fatal familial insomnia, and kuru: a review of these less common human transmissible spongiform encephalopathies". Journal of Clinical Neuroscience. 8 (5): 387–97.
↑ Harris, Marvin (1991) [1977]. Cannibals and Kings: Origins of Cultures. New York: Vintage Books.

呢篇文係犯罪學、刑罰、罪案同罪犯有關嘅楔位文。歡迎幫維基百科擴寫佢。