佐川一政

佐川一政（1949年6月11號—）係日本小說家，神戶人。

佐川一政喺索本大學（Sorbonne Academy）主修前衛藝術嗰陣時畀荷蘭籍女同學Renée Hartevelt吸引。1981年6月11號，佐川一政以一齊討論文學做藉口，請Hartevelt返屋企食晚餐，然後用獵槍喺Hartevelt後腦開槍，再食咗Hartevelt。佐川一政從囉柚開始落手，之後嗰兩日，佐川一政再食咗屍體好多部份。之後佐川一政將肢解咗嘅屍體裝入大皮喼丟喺公園，但係喺棄屍過程中畀人見到，所以喺五日之後畀法國警方拉咗。

不過法國心理學家認定佐川一政係喺精神錯亂期間犯案唻辯護。佐川一政畀人收喺精神病院。1984年，佐川一政阿爸佐川明（さがわあきら）將佢引渡返日本，入咗東京都立松澤醫院，唔夠15個月佐川一政就畀人放返出唻，從此之後就以自由人嘅身份生活。

因為佐川一政對成件事唔後悔嘅態度，同埋酷愛食人呢樣事幹，成為咗日本全國知名嘅人。佐川一政喺訪問入面話自己當時對人類嘅脂肪「係粟米色嘅」感到驚奇。佢將死者嘅肉描述為「柔軟無臭」，好似吞拿魚嘅口感。佢承認自己重有食人嘅幻想，但係保證唔會再噉做喎。