字面意思

  「字面」跳轉到呢度。假如你想揾嘅係數理邏輯上講嘅字面，請睇「字面 (數理邏輯)」。

原則上，詞典會講明指定嗰隻語言裡便每隻詞語嘅字面意思，但齋靠呢啲字面意思，係咪能夠正確理解同使用語言？

字面意思zi6 min2 ji3 si1係意思一種，指緊某隻詞語（以至其他語言單位）最表面、直接、單純嗰個意思，完全冇考慮到語境等嘅問題。喺語言學同哲學上，字面意思嘅具體定義查實有些少爭議。

喺虛構作品之中成日出現一種情況，就係講到某啲個體——比如係唔多先進嘅人工智能，或者極度死板嘅人——完全齋靠字面意思，去理解其他人講嘅說話，往往會引起令人啼笑皆非嘅結果。

基本概念

睇埋：語義同能指同所指

淨係靠字面意思嚟理解聽到嘅嘢，想像情況：

例子：廚房淹沒

依家主人向機械人下令：

• 去廚房用紅色嗰個水桶打水，水要注滿晒個缸。

字面理解係：去打水，倒入缸度。缸滿咗，指令入便冇寫明滿咗之後要停低。

結果：機械人會無限循環噉打水，就算水缸滿晒，成間屋水浸，依然會繼續打水。因為停低呢個潛規則並冇喺字面上表達出嚟。

例子：生前做乜嘅問題

阿明：令尊係做盛行hong4嘅？

阿偉：我阿爸唔喺度喇。

阿明：噉佢生前做緊乜？

阿偉：佢捉住自己個心口，好似心口好痛噉，然後就躀低咗。

喺呢個例子中，阿偉冇考慮到語境，即係阿明上條問題係問緊佢阿爸做邊一行，而就噉字面理解阿明嘅第二條問題。

電腦應用

睇埋：程式編寫

睇埋

• 聯想意思
• 雙重意思
• 語用
• 邏輯

外拎

• （英文）數學家嘅答案，電視橋段網講到虛構故事中嘅數學家（或者類似嘅人物）理解問題嗰陣好多時都字面理解而唔顧語境，最後引致笑話。