聯想意思

聯想意思（參見英文：connotation ）係意思一種，尤其係講緊詞語嘅字面意思唔包括、但啲人聽或者睇到隻詞嗰陣會聯想起嘅事物。

定義

詞語可以有字面意思，即係佢哋最直接嘅意思，但係同時使用嗰隻語言嘅人用起詞嗰陣時，又有可能出現一啲聯想意思：聯想意思指一啲意思，唔係隻詞明文直接噉指、但啲人聽或者睇到隻詞嗰時會聯想起嘅^[1]。

舉例說明，想像依家有個叫 Martha 嘅女仔，佢好擅長跳芭蕾舞，做埋職業芭蕾舞蹈員，然後佢有個親戚用以下呢句嘢嚟描述 Martha 做咩工^[2]：

「Martha 佢係一個舞女。」

Martha 聽到呢句嘢，好大機會會一句更正：

「唔係呀，我係跳芭蕾舞嗰啲 dancerden1 saa4 呀。」

原則上，舞女呢隻詞就噉字面睇（字面意思）可以純粹係指跳舞嘅女性，但喺廿一世紀初嘅粵語日常語境當中，舞女成日會用嚟指跳艷舞嘅女性，或者喺夜總會做嘅舞小姐等，呢啲聯想起嘅意思，就謂之隻詞語嘅聯想意思。

有關聯想呢個概念要點量化，可以睇吓語義網絡同促發效應。