跳舞

出自維基百科,自由嘅百科全書
跳去導覽 跳去搵嘢
多個唔同嘅舞種:

舞蹈粵拼mou5 dou6英文dance),粵文簡稱,係一種表演藝術,涉及表演者用自己嘅身體(尤其係肢體)作出一連串有節奏郁動嚟吸引觀眾[1]。表演者跳舞目的可以有好多:跳舞嘅人好多時會視舞蹈為一種藝術,想用身體郁動同音樂之間嘅配合嚟令觀眾覺得串舞有美感[2][3];另一方面,舞蹈有陣時又會具有美感以外嘅文化意義,例如好多類型嘅草裙舞(Hula)喺古時係俾夏威夷等地嘅人喺宗教場合跳、用嚟做拜神嘅作用嘅[4]

除咗文化藝術上嘅作用之外,跳舞對健康體能亦有一定嘅幫助:跳舞好多時都好要求體力,例如芭蕾舞當中嘅男舞蹈員就成日都需要做出捧起自己舞伴等講求肌肉力量嘅動作;事實係,醫學上嘅研究經已表明,好多類型嘅舞蹈都具有幫跳嘅人提升平衡力同肌肉力量等嘅正面效果[5][6]

分類[編輯]

紐約市唐人街有好多粵籍華僑;佢哋過年會喺度舞南獅。

舞蹈可以按好多準則分類,例如唔同舞種編舞、用到嘅舞步、歷史時期或者發源地等嘅特性都可以用嚟將舞蹈分類[7]。喺廿一世紀嘅舞蹈界,其中一條最重要嘅分類準則係將舞種分做音樂廳舞蹈(concert dance)同參與舞蹈(participatory dance)兩大類,前者指專業嘅舞蹈員喺個舞台上面跳俾觀眾睇嘅舞,通常係為咗達到用藝術娛樂觀眾嘅效果,例子有芭蕾舞爵士舞等,而後者指俾一班人喺聚會嗰陣一齊跳嘅舞,睇嘅人會有機會參與,例如社交舞原意就係為咗俾人喺聚會嗰時一齊享受嘅[註 1][8]

各地舞種[編輯]

睇埋[編輯]

註釋[編輯]

  1. 不過都有啲熱愛社交舞嘅人認真到搞比賽,跳俾評判睇。

[編輯]

  1. Sondra Horton Fraleigh (1987). Dance and the Lived Body: A Descriptive Aesthetics. University of Pittsburgh Pre. p. 49. "Dance is human movement created and expressed for an aesthetic purpose."
  2. Joann Kealinohomoku (1970). Copeland, Roger; Cohen, Marshall (eds.). An Anthropologist Looks at Ballet as a Form of Ethnic Dance (PDF). What is Dance? Readings in Theory and Criticism (1983 ed.). New York: Oxford University Press.
  3. Judith Lynne Hanna (1983). The performer-audience connection: emotion to metaphor in dance and society. University of Texas Press. "Dance is human behaviour composed (from the dancer's perspective, which is usually shared by the audience members of the dancer’s culture) of purposeful (individual choice and social learning play a role), intentionally rhythmical, and culturally patterned sequences of nonverbal body movement mostly other than those performed in ordinary motor activities. The motion (in time, space, and with effort) has an inherent and aesthetic value (the notion of appropriateness and competency as viewed by the dancer’s culture) and symbolic potential."
  4. Nathaniel Emerson, The Myth of Pele and Hi'iaka. This book includes the original Hawaiian of the Pele and Hi'iaka myth and as such provides an invaluable resource for language students and others.
  5. Schiffer, T., Kleinert, J., Sperlich, B., Schulte, S., & Strüder, H. K. (2009). Effects of aerobic dance and fitness programme on physiological and psychological performance in men and women. International Journal of Fitness, 5(2).
  6. Angioi, M., Metsios, G. S., Koutedakis, Y., & Wyon, M. A. (2009). Fitness in contemporary dance: a systematic review. Int J Sports Med.
  7. Foster, Susan Leigh. (2011). Choreographing empathy : kinesthesia in performance. Routledge.
  8. Canadian National Arts Centre – Dance Forms: An Introduction.

[編輯]