舞步

一位芭蕾舞蹈員喺度做阿拉伯斯卡。

舞步（英文：dance move / dance step）係指一種舞蹈當中嘅某一個固定動作。一個人學跳嗰隻舞嗰陣會係噉重複做出個舞步，務求想自己熟習。

例：阿拉伯斯卡（arabesque）係源自芭蕾舞嘅一種比較高難度嘅舞步，指個舞蹈員淨係一隻腳掂地（掂地嗰隻髀叫支撐髀）而另外嗰隻髀（抬起髀）就外開並且抬高去身體後面，而且要伸到直一直。條抬起髀抬高嘅角度由 20 度左右嘅低角以至大過 90 度角都有，手嘅位置唔定。專業嘅芭蕾舞蹈員喺練習嗰陣會係噉勁做個動作，做到老師同自己滿意為止。而芭蕾舞以外嘅舞種都有採用阿拉伯斯卡。