街舞

出自維基百科,自由嘅百科全書
跳去導覽 跳去搵嘢
街舞

街舞英文Street Dance)起源於美國,基於唔同嘅街頭文化或音樂風格而產生嘅多種唔同種類舞蹈嘅統稱,最早嘅街舞舞種係Locking,起源於20世紀六十年代。

街舞動作由各種走、跑、跳組合而成,並通過頭、頸、肩、上肢、軀幹等關節嘅屈伸、轉動、繞環、擺振、波浪形扭動等連貫組合而成,每個動作都有特定嘅健身效果,既注意到上肢同下肢、腹部同背部、頭部同軀幹動作嘅協調,又注意到組成各環節各部分獨立運動。

歷史[編輯]

最早嘅街舞同紐約黑人區嘅嘻哈同Hip hop音樂息息相關,Hip hop街舞喺演唱嗰陣經常利用身體做出一啲大幅度嘅動作,呢啲動作逐漸傳開並形成咗一啲約定俗成嘅定勢。然後呢啲動作逐漸發展成為最初嘅街舞:霹靂舞。一種觀點認為,breaking呢個詞來源於一班歌手總係喺歌曲暫停嘅時進行表演。自始之後,滑步(機器舞嘅雛形)、瑣舞等亦逐漸加入到原有嘅街舞風格之中。呢個時期嘅街舞風格被人稱為舊學院,佢哋需要比較高嘅技巧。90年代之後,又發展出一種新嘅舞蹈類型:嘻哈舞,同原有嘅街舞相比,呢隻舞幅度較細,更加注重同音樂節奏嘅配合。不過呢種舞蹈間中亦會參雜一啲瑣舞、機器舞嘅內容,隨住舞嘅發展又逐漸分裂出電流等新風格[1]

街舞分類[編輯]

霹靂舞(Breaking)

又叫地板舞,屬於力量要求較高嘅舞種,通常有以單手撐地、頭頂地等高難度好似體操噉嘅動作。霹靂舞係嘻哈文化嘅四大元素之一,其他三大元素係 MC(rapping),DJ 同塗鴉。

震感舞(Popping)

以前叫機械舞,而叫震感舞,特點係表演者故意做出肢體僵硬嘅形態,模仿機械人嘅樣做動作。一般震感舞包括膊頭、頸部、胸部、背部、手臂、腿部等嘅肌肉透過快速收縮,進而達到震動嘅效果,配合音樂舞動。經常會融入Waving(電流)、Robot(機械)、boogaloo、King TUT(埃及手)等風格,係一種綜合性極強嘅舞蹈。

嘻哈舞(Hip-hop)

嚟自美國紐約嘅嘻哈舞蹈。舞姿自由靈動,張揚青春個性。又稱分為饒舌(Rapping)、打碟(DJing)、塗鴉(Graffiti)、街舞(Breaking)Hip-Hop。

爵士舞(Jazz)

係由非洲黑奴帶到美國嘅舞蹈,因此佢嘅舞姿類似非洲人嘅性格一樣,原始、熱情、奔放。到咗美國之後,吸收咗芭蕾舞、現代舞、街舞、拉丁舞嘅元素同技巧,要表達嘅係火辣辣、熱情嘅風情,送胯、扭腰、身體呈波浪形扭動。

鎖舞(Locking)

大概喺70年代位於洛杉磯嘅一間夜總會裏面Don Campbell發明咗呢種即興發揮嘅獨特舞步。身體做出一啲好快嘅動作,然後喺某一個動作嘅時候突然停低,最主要嘅關鍵在於手部旋轉同定住。鎖舞係種非常強調乾淨俐落嘅舞蹈,因為舞蹈中鎖嘅手勢,同突然定格嘅舞感類似鎖嘅功用,所以稱為鎖舞。

參考[編輯]