韻律（粵音：wan5 leot6；metre；古希臘文：μέτρον）係西方詩當中嘅基本用韻結構。西方傳統韻文嘅韻律根據語言可以分做強弱韻律同長短韻律，前者以每個音節係咪有重音做判定音節韻律嘅標準，後者就係依據音節嘅長短嚟做。英文同意大利文等嘅現代語言多數用強弱音律，而古希臘文同拉丁文等嘅古典語言就採取長短韻律。
