象牙
象牙（ivory或者elephant's teeth[1]）係象嘅獠牙，係犬齒變出來嘅，又粗又長。因為象牙有佢獨特質地，所以係一種物料，好多時用喺藝術品之上。有時類似質地，代替動物嘅獠牙都概括叫做象牙。因為象牙好貴重，唔少象因有象牙而死，所以近年國際都禁象牙生意。
象牙如果唔完整，係濕碎嘅，就叫牙碎[1]。
歷史
[編輯]大清時，象牙唔少係南非來，經孟買入口。但至多至好嘅，都係暹羅來。亦有一啲係緬甸來[1]。
品質
[編輯]好嘅象牙係無瑕玼，實兼白[1]。如果裂咗，個啄斷咗，或者裏面腐爛咗，就無咁值錢[1]。不過無論點都好，都會有佢嘅用法。大嘅象牙，一擔有五到八隻，細嘅去到一擔廿五隻[1]。1850年代，大兼靚嘅象牙，賣成百五蚊美金[1]。
