野豬

出自維基百科,自由嘅百科全書
跳去導覽 跳去搵嘢
Wikipedia:點樣睇生物分類框How to read a taxobox
野豬
香港嘉道理農場裏面養嘅野豬
香港嘉道理農場裏面養嘅野豬
瀕危指標
Status iucn3.1 LC.svg
最唔使理(Least Concern) (LC)
物種分類
動物界
脊索動物門
哺乳綱
偶蹄目
豬科
豬屬
S. scrofa
二元學名
Sus scrofa
Linnaeus1758年
Leefgebied wild zwijn.JPG

野豬(學名:Sus scrofa),係家豬嘅祖先,但係體格較強健,主要係灰黑色,腳同咀尖端呈白色,面同喉嚨有灰白毛。細個嗰陣頭大、又尖又長,豬公嘅生得非常之發達,由個口度突嚟,向外彎曲。

分佈[編輯]

野豬分佈好廣泛,大部份歐洲亞洲南美洲中美洲都搵倒佢哋,其他洲都有一尐地方有。

習性[編輯]

繁殖期全年,妊娠期約 130 日,一胎可生 4 - 8 隻,而一隻野豬壽命可達 21 年。除交配季節外,豬一般獨居,豬同豬仔一般成群出沒。

象徵[編輯]

德國 Eberbach 鎮野豬徵章

喺古時候蘇格蘭高地嘅 Campbell 部落,野豬畀佢哋用作臂章以表示勇氣同勇猛。喺同屬蘇格蘭嘅 Urquhart 部落,都係用三隻豬頭嘅圖案做徵章。古代波斯Sassanaid 帝國,野豬視為勇猛同勇敢嘅動物。野豬亦喺 英王理察三世嘅象徵。喺德國 Eberbach 鎮,野豬被用作該鎮嘅徵章。喺比利時,野豬係南部 Ardennes 森林嘅象徵,同時亦係比利時陸軍 Chasseurs Ardennais 軍團嘅吉祥物,軍人都喺佢哋嘅貝雷帽上扣上野豬扣針

遇到野豬點算[編輯]

日本神戶市東灘區公所咁講[1]

  1. 唔好理野豬,野豬會行開。
  2. 如果野豬行近你,唔好驚,慢慢打倒褪。行動快只會嚇親野豬,令難以預計嘅事情發生。
  3. 唔好追捕野豬,受驚嘅野豬可能發癲咁亂噉走,撞傷人。

香港嘅野豬[編輯]

野豬係香港現時身型最大嘅原生哺乳動物,喺香港分佈亦好廣泛,香港島大嶼山大帽山新界東北、西貢清水灣都搵到佢哋嘅蹤影。喺好多種生境都搵倒野豬,包括林地草原甚至農田郊野地帶。

因為香港冇乜會食野豬嘅猛獸,野外原有嘅華南虎一早已經死清光,得緬甸蟒蛇對野豬仔有潛在威脅,加上野豬繁殖得好快,數量容易失控,破壞唔少農田。野豬重會食農作物,最鍾意嘅係蕃薯野葛土伏苓[2]。目前對香港嘅野豬研究仍然係起步階段,可能係香港生態裏面重要嘅清道夫(食動植物嘅屍體),而翻土行為亦可能有利植物生長。

出沒[編輯]

香港政府接到有關野豬滋擾人嘅投訴,2004年有 42 個、2005年有 116 個、2006年有 135 個。投訴人主要係擔心野豬威脅人身安全同破壞財產。2004 至 2006年間,香港政府只喺紀錄咗有一宗「有人因驅趕野豬而受傷」嘅報告,傷者傷勢並唔嚴重。野豬近年滋擾人嘅地點包括:粉嶺鶴藪崇謙堂村[3]大埔松嶺汀角路[4]、葵涌醫院[5]同埋元朗八鄉菠蘿山清潭水塘[6]

野豬狩獵隊[編輯]

為咗處理野豬擾民同傷人問題,警方喺二十世紀七十年代後期,成立咗由民間志願人士組成嘅野豬狩獵隊。漁農自然護理署根據香港法例第 170 章《野生動物保護條例》向隊員發出「特別許可證」,而警方亦向佢哋發出槍械牌照。野豬狩獵隊射殺嘅野豬數目,2004年係 6 隻、2005年又係 6 隻、2006年係 52 隻。

野豬狩獵隊成員要考筆試同射擊,合格後唔使差人陪同都可以行動,但係每次行動要事先通知警方,事後亦要詳細報告開槍細節,而喺狩獵行動四個鐘頭之內,要帶返啲紀錄同彈頭畀警方,以防有人違規用槍。狩獵隊嘅所有開支都係自費,並且要自己買第三者保險,政府一個仙都唔會津貼[5]。成員幾乎都係退咗役嘅香港差人。

該隊伍人士向傳媒透露,行動時殺嘅通常係大公野豬,其餘嗰啲就嚇到匿返入山林,唔多敢再出嚟見人[7],而所得獵物,會攞來食(編按:未必次次都會)[8]

政府忽然之間由嚴格保護變成頻繁撲殺[編輯]

民間非專業者驅趕來犯嘅野豬時,除咗可能自己受傷,重要冒法律風險,皆因此乃受保護野生動物。而阻止野豬擾民嘅基本策略,依然係控制其數量;野豬狩獵隊由2019年4月起唔准再出動。[9]取而代之嘅,係由漁農署主導,用活捉,絶育再放生嘅程序處理,不過此行徑失敗,野豬變得比之前擾民,然而漁農署繼依然宣稱有進展,呢種動物亦繼續受法律嚴格保護。[10]喺2021年11月,政策突然鉅變,外間相信係一次香港警察嘅任務失敗所致。[11]有警察同漁農自然護理署職員合組嘅一隊人,出動去生擒一隻野豬時,出咗岔錯,有個輔警俾佢咬傷咗,目標野豬亦墮樓而死。[12]漁農署好快就突然宣布,改成自行派員頻繁出動,喺市區一揾到野豬就捉去殺死[13]。民間及大部分議員對此激烈反對,認為極唔人道。[14]特首林鄭月娥指應該靠毀滅野豬嚟保護兒童云云。[15]漁農處亦更改其網站,將保護野豬嘅條文刪除。[16]野豬狩獵隊嘅槍擊,針對攻擊性強嗰啲野豬,弱嘅就驅逐到之後唔敢再去人住嘅地方;至於民間其他人,受法例限制唔可以殺、傷、捉或者虐待,通常嚇到佢哋當刻過主就算數;然而漁農處做嘅就包括主動去非民居地帶誘捕,就連馴良者以及無能力傷人嗰啲細嘅,都殺無赦,動物權益團體指其行為非常卑鄙。[17]漁農署同警察等人合組嘅隊伍出動殺野豬時,亦會即場遇到市民嘅反對。[18]警務署署長蕭澤頤向傳媒講,該署並無向漁農署施壓嚟令佢哋改變政策。[19]之後,由漁農署同警察主導嘅香港政府人員,繼續週圍捉啲野豬再毒死,例如,喺緊貼郊野嘅民居地帶曾經有兩隻野豬徘徊揾嘢食而並無襲擊人,亦已經被差人趕返樹林之中,然而漁農署晏啲派咗人去該處,揾到一大一細兩隻野豬(編按:唔見有消息指明被趕走同被殺嘅係唔係同樣嗰兩隻),一律滅口。[20]

非獵殺嘅應對方法[編輯]

  1. 裝電子圍欄
  2. 控制野豬繁殖數量

[編輯]

  1. "日本神戶市東灘區公所". 原著喺2007年3月20號歸檔. 喺2007年5月30號搵到.
  2. "無線晚間新聞 ﹣2009年4月7日". 原著喺2009年4月11日歸檔. 喺2009年4月11日搵到. Check date values in: |access-date=, |archive-date= (help)
  3. 亞洲電視,2007年1月27號
  4. 明報即時新聞,2007年4月13號
  5. 5.0 5.1 《太陽報》,2006年1月13號
  6. 無綫新聞2007年8月12號
  7. "存档副本". 原著喺2021年11月16號歸檔. 喺2021年11月16號搵到.
  8. "存档副本". 原著喺2021年11月27號歸檔. 喺2021年11月22號搵到.
  9. https://www.hk01.com/%E7%A4%BE%E6%9C%83%E6%96%B0%E8%81%9E/308452/%E9%87%8E%E8%B1%AC%E7%8B%A9%E7%8D%B5%E9%9A%8A%E6%88%90%E6%AD%B7%E5%8F%B2-%E6%BC%81%E8%AD%B7%E7%BD%B2%E5%AE%A3%E5%B8%83%E4%B8%8D%E5%86%8D%E7%BA%8C%E7%89%8C-%E7%8B%A9%E7%8D%B5%E9%9A%8A%E9%95%B7-%E7%84%A1%E5%A5%88
  10. "存档副本". 原著喺2021年12月29號歸檔. 喺2021年11月16號搵到.
  11. "存档副本". 原著喺2021年11月16號歸檔. 喺2021年11月16號搵到.
  12. "存档副本". 原著喺2021年11月20號歸檔. 喺2021年11月16號搵到.
  13. https://www.singpao.com.hk/index.php?fi=news1&id=119443
  14. http://www.metroradio.com.hk/news/live.aspx?NewsId=20211115091905
  15. "存档副本". 原著喺2021年11月16號歸檔. 喺2021年11月16號搵到.
  16. "存档副本". 原著喺2021年11月16號歸檔. 喺2021年11月16號搵到.
  17. "存档副本". 原著喺2021年11月18號歸檔. 喺2021年11月18號搵到.
  18. http://hk.on.cc/hk/bkn/cnt/news/20211130/bkn-20211130194209046-1130_00822_001.html
  19. "存档副本". 原著喺2021年12月3號歸檔. 喺2021年12月3號搵到.
  20. "存档副本". 原著喺2021年12月2號歸檔. 喺2021年12月2號搵到.

連出去[編輯]

睇埋[編輯]