鶴藪

鶴藪dau3（英文：Hok Tau），香港一地，喺粉嶺東部，離粉嶺鬧市甚遠。地爲盆地，平地甚多，啱晒耕田。當中以鶴藪圍爲主要村落。鶴藪南面山谷，係鶴藪水塘。當地主要務農。

鶴藪附近係八仙嶺郊野公園範圍。

名

鶴藪，按字義指鶴嘅藪，卽係巢。起源不明，可能鶴藪圍成族搬入時，就用舊村個名。

地理

丹山河係地方主要水源。上游已變成鶴藪水塘。下游近軍地流入梧桐河。

物產

鶴藪白菜仔（又叫「鶴藪白」，俗寫「學斗白」）係香港出名嘅菜。

舟車

主道有鶴藪路，中間有迴旋處出入流水響路，再出沙頭角公路去沙頭角或粉嶺市區。公共交通只有專綫小巴。