擬人化

愛麗絲漫遊仙境裏面嘅兔仔

呢幅 19 世紀嘅圖畫，描繪畫畫人想像中嘅長靴貓。現實世界嘅貓唔識著靴，但《著長靴嘅貓》入面嗰隻貓就識。

  提示：呢篇文講嘅唔係擬人 (修辭手法)或人格化。

擬人化ji5 jan4 faa3（英文：Anthropomorphism），又或者叫擬人法，係一種講古仔嘅方法，將淨係人有嘅特質外貌加喺其他嘢嘅身上，好似花鳥蟲魚、杯杯碟碟咁。好多時會用喺宗教、文學創作，電影、細路文學、商品宣傳、嘢玩、電玩之上。

定義

睇埋：角色

史前

最早嘅象牙雕刻「獅子人像」（Löwenmensch），係個獅子頭加個人身，可以睇成係擬人化嘅最早證據，雕象有三萬年咁古老。

神話宗教

神話宗教裏頭嘅神祇，成日都有人嘅特質。希臘神話嘅天神個樣就似足人。中式神話裏面嘅孫悟空同玉皇大帝、印度嘅濕婆，都有人嘅七情六慾。呢啲叫做 Anthropotheism（將人有嘅特質放喺神祇之上）。

新約聖經裏頭耶穌將「錢」人性化成「馬門」，保羅話唔好畀罪喺身體裏頭做王（羅馬書）。

文學

寓言

由亞科·拉咸畫嘅《龜兔賽跑》插畫，1912 年。

古時，擬人法就已經喺古仔裏頭用得好成熟。古希臘嘅《伊索寓言》、公元前四世紀《佛說本生經》、古印度韻文寓言《五卷書》都有用種物講古仔，家下我哋熟悉嘅招績獅子、滑頭狐狸、醒目烏鴉，已經嘅喺書裏頭面出現。

Info：《伊索寓言》嘅擬人化

例如係好出名嘅《伊索寓言》故仔《龜兔賽跑》噉就用到擬人化：

好耐之前，一隻兔仔見到烏龜爬得好慢，就笑佢仲串佢噉話：「我哋嚟個賽跑啦」。烏龜諗咗陣，就應承咗。

第二日朝早，兔仔同烏龜嘅比賽開始。一出發，兔仔就好似支箭噉衝咗出去，好快就將烏龜遠遠拋離，連影都唔見。兔仔心諗：「烏龜夠膽同我賽跑，真係天大嘅笑話。橫掂佢爬得咁慢，我就瞓一陣覺起身再跑，我都實贏到佢」。於是，兔仔就坐低喺一樖大樹下自在噉瞓著咗。

烏龜雖然爬得好慢，但佢都好盡力向住終點向前爬，冇停低休息過。過咗一陣又一陣，終於離終點越嚟越近。

兔仔醒咗，發現已經係挨晚，突然醒起同烏龜賽跑緊，急忙向住終點去跑。可惜為時已晚，無論佢點樣搏命噉跑，亦都趕唔上已經到達終點嘅烏龜。兔仔非常羞慚愧，後悔莫及，從此唔敢再嘲笑其他人喇。

好似上述噉嘅故仔，將兔仔同烏龜（非人事物）描繪到識講嘢（人先有嘅特徵），所以係擬人化嘅例子。

近代文學

十九世紀嘅《愛麗絲漫遊仙境》，《木偶奇遇記》，《森林王子》到二十世紀嘅《動物農莊》、《魔介》、《哈比人》都有竅得講人話嘅動物角色。

電視、電影

米奇老鼠，唐老鴨，高飛，巴斯光年，Hello Kitty，多啦A夢，Wall-E，Keroro 軍曹都係人嘅特性嘅嘢。

相關

• 大壞狼（Big Bad Wolf）：一種固定角色，泛指負責喺個故仔入面扮演大奸角嘅灰狼，通常會嘗試將主角食落肚；例如《小紅帽》入面嗰隻灰狼能夠好似人類噉講嘢，形象好似個強姦犯噉（會跟蹤同傷害細路女），係隻好典型嘅大壞狼；類似嘅狼角色喺《三隻豬仔》同《狼同七隻小山羊》當中都有出現。
• 修辭手法
• 童話故事
• 人格化
• 擬人 (修辭手法)