拍戲

出自維基百科,自由嘅百科全書

拍戲英文filmmaking)係指製作電影嘅過程。

工序[編輯]

第一步:開發[編輯]

睇埋:劇本

劇本寫嚟係預咗畀製作人員(導演同眾演員呀噉)睇嘅,製作人員睇咗之後就會發揮佢哋自己嘅創意,製作出最終成品(一套電影、電視劇或者戲劇),件成品攞去畀觀眾睇;因為噉,劇本一般會寫到太詳細。

例如好似以下噉嘅段落,被指係寫得好差嘅劇本[1][2][3]

大壞蛋準備好佢支死光炮,一支紅色、好似魚雷噉形、5 咁長嘅大炮,準備向城市開火。英雄充滿咗鬥志,企上去面對住大壞蛋嘅平台,大壞蛋望住佢面前三個掣,三個掣一個藍色一個綠色一個黃色,正準備要撳落綠色嗰個掣嗰度,跟住英雄跳上前,想一拳打佢塊面,但大壞蛋踎低,避開英雄嘅拳頭...

而一個可能嘅建議,係要做啲簡化[1]

大壞蛋準備好佢嗰支死光炮,準備向城市開火。英雄面對住大壞蛋,兩人開始打交...

喺簡化咗嘅版本裡便,編劇冇講晒所有嘢畀製作人員知:新劇本冇對角色嘅心境做太多描述,演員可以試吓自行想像角色心境,甚至出現臨場發揮;新劇本冇描述支死光炮係咩樣,道具組就可以自行想像,發揮創意;而新劇本淨係話英雄同大壞蛋打交,但冇講明兩人要做咩動作,動作指導就有得自行創造英雄同大壞蛋打交嘅精彩動作場面。編劇擔當住重任,但佢唔係一個人話晒事,而係會容許其他人員有空間各自發揮創意。

睇埋[編輯]

引咗[編輯]