沙動畫

繪畫沙動畫影片

沙動畫（英文：Sand animation），坊間多數簡稱叫沙畫，係以沙作為影像構成材料，喺一塊打前光燈或者背光嘅玻璃上用沙粒繪畫出各種圖畫。有兩種表演方式，第一種係即場表演，一邊講故仔一邊用手或工具畫圖；第二種係逐格拍攝每一幅沙畫，之後製作成動畫。沙動畫有獨特嘅影像風格，可以有比其他動畫較難表現嘅效果。

沙動畫嘅手法通常係將啲沙放喺垂直式嘅動畫拍攝台上嘅玻璃枱面，並從玻璃背後打光；動畫師用手或小工具，撥啲沙嚟畫出多元化嘅圖案，創作出以沙構成、明暗對比強烈嘅活動影像。