插花

出自維基百科,自由嘅百科全書
跳去導覽 跳去搵嘢
加上裝飾嘅插花

插花粵拼caap3 faa1英文flower bouquet)係一種視覺藝術,將一啲材適當噉修剪整理再加上優美嘅擺插設計,表現出花嘅活力同自然美感[1]

歷史

西方風格插花源於古埃及,早喺公元前2500年,埃及人就將睡蓮花插入樽或者碗度做餐枱嘅裝飾,又會作為禮品,或喪禮用品。至於東方風格插花嘅發源地,目前有兩種講法:第一個講法係源於印度,理由係插花首先由佛前供花而興起,佛教源於印度,不過目前未有任何足夠證據證實呢個講法嘅歷史資料;另一個講法係源於中國,理由係佛教喺傳入中國之前,民間已經有切花(古代稱為折枝花)嘅廣泛應用,呢啲係原始插花嘅意念,係插花嘅雛形[2]

藝術風格

東方式插花

東方式插花崇尚自然,講究優美嘅線條同自然姿態,構圖佈局高低錯落、俯仰呼應、疏密聚散、作品清雅流暢,根據植物生長嘅自然形態,有直立、傾斜同下垂等唔同嘅插花形式。

西洋式插花

西洋式插花亦稱為歐式插花,特點係注重花材嘅外形,追求塊面同群體嘅藝術魅力,作品簡潔、大方、凝練,構圖多數以對稱式、均齊式出現,色彩艷麗濃厚,花材種類多,用量大,表現出熱情奔放、雍容華貴、端莊大方嘅風格。西洋插花同中國式插花相比較強調實用同設計理念,一般較能夠融入生活之中,達到日常生活嘅裝飾效果。

花材類型

鮮花插花

全部或主要用鮮花進行插製。最有自然花材嘅美態,色彩艷麗、有花嘅香味,充滿真實嘅生命力,有強烈嘅藝術魅力,應用範圍廣泛。缺點係花要有水份養住,唔擺得太耐,成本比較高,唔適宜擺放喺較暗嘅環境之下。

乾花插花

全部或主要用自然乾嘅花或經過加工處理嘅乾燥植物材料進行插製。既能夠保持原有植物嘅自然形態美,又可以隨意染色、組合,插製之後可以長期擺放,方便管理,唔受光線嘅限制,特別適合擺放喺較暗嘅地方。缺點係唔適合長時間喺強光之下暴曬,喺潮濕嘅環境亦冇咁耐用。

人造花插花

用嘅花材係人工仿製嘅各種植物材料,包括絹花、滌綸花等,有仿真性嘅,亦有隨意設計同着色嘅,種類繁多。人造花嘅特點係色彩艷麗、變化豐富、容易造型,容易清潔,可以擺放較長嘅時間。

睇埋

參考