粉彩畫
跳去導覽
跳去搵嘢
粉彩畫（pastel painting）係指用粉彩畫嘅畫。乾粉彩係一碌碌將乾、處於粉狀嘅顏料用結合劑（binder）固定成一嚿形成嘅棒（蠟筆）－粉彩係固體狀嘅，所以喺油粉彩嗰陣唔係用支畫筆沾，而係將碌粉彩磨落去畫嘅表面上，等顏料因為磨擦力由支棒嗰度脫落，並且黐上去塊表面，形成有色彩嘅圖案[1]。粉彩源於 15 世紀，而喺打後嗰幾個世紀，西人一路都有畫粉彩畫，都出咗唔少名作[2]。
乾粉彩可以整出不亞於第啲顏料嘅鮮艷色彩，不過因為乾粉彩呈固體粉狀（相對於處於液體狀態嘅油彩同水彩），所以喺繪畫技巧同畫作保存方法上同油畫以及水彩畫相當唔同：乾粉彩表面比較脆弱容易剝落，所以通常要加塊玻璃喺畫嘅表面先至容易保存，亦有做法係噴一浸固定劑（fixative）喺幅畫嘅表面上；不過只要做咗呢啲保存工作，一幅乾粉彩畫可以保存到成幾個世紀都唔變[1]；另一方面，因為乾粉彩呈粉狀，所以如果支蠟筆嘅結合劑唔夠勁，可能會搞到畫畫人一路畫、一路吸入蠟筆嘅顏料，而呢啲顏料好多時有輕微嘅毒性，長遠嚟講可以對畫畫人嘅呼吸系統健康造成危害，所以專門畫乾粉彩嘅畫畫人通常都要做健康上嘅防護措施[3]。
作品[編輯]
《花雲》（Flower Clouds）
奧迪隆·雷東（Odilon Redon），1903 年
1925 年一幅粉彩畫
