固定角色

出自維基百科,自由嘅百科全書

固定角色模式化人物[1]定型角色英文stock character)就係文學、裏頭假嘅人物。觀眾一睇就認得出,因為佢成日喺某啲戲種出現。固定角色係一種原形角色,睇落好平面。喺喜劇同鬧劇之中嘅固定角色表現得特別誇張。

西方傳統嘅定型角色由古希臘古羅馬劇場度嚟,以及時間舊時意大利藝術嘅即興喜劇(Commedia Dell'arte)。

概論[編輯]

典型嘅白馬王子形象-生得靚仔、高貴又有紳士風度,會以身犯險拯救公主
內文:角色橋段

角色係指喺一個故仔當中做決策,以呢啲決策影響情節發展嘅個體。角色通常會係人類,不過喺 sci-fi 等嘅文類入面可以有「先進嘅人工智能」等嘅非人類智能體做角色。固定角色係橋段嘅一種,泛指一啲喺多部作品入面都有出現嘅角色大類,每一種固定角色都有一啲重點特徵,亦會有一啲「呢類角色普遍會有嘅特徵」。啲觀眾或者讀者好多時一眼就會認得出「呢個角色係屬於嗰個固定類型嘅人物」[2]

例如白馬王子就係一種童話故事常見嘅固定角色,泛指一個出場嚟救或者幫公主王子,成日都會配合英雄救美嘅劇情使用。佢通常仲會生得靚仔-有利於及後嘅戀愛劇情、勇敢-所以就會唔怕危險拯救公主... 等等。白馬王子呢個類型嘅角色可見於《白雪公主》、《灰姑娘》以及《睡美人》等嘅好多個著名童話故事[3]

角色[編輯]

  • 絕世高手武俠文化之中武功最強嘅一班人,例如:射鵰英雄傳系列嘅五絕;三俠五義之中嘅南俠展昭、北俠歐陽春;中華英雄中嘅南神掌、北腿王。
  • 醒目狡猾嘅奴隸servus callidus):聰明,低下階層;令古仔有開心結尾。
  • 孤寒有錢佬:有錢而貪心,佢生活唯一目的就係搵錢。
  • 無賴、負心人、賤精(rake, cad):酒鬼爛賭仔;引誘後生女,同佢上床搞大個肚,飛甩佢,令個女受到社會歧視、窮到醲。
  • 痴線科學家:勁科學家,一時唔小心,有時特登「搞亂自然嘅力量」,要英雄來執手尾。例子有創造科學怪人嘅科學家。
  • 烏矓教授:好叻嘅學術人物,不過佢因為太專注研究而忽略四圍嘅事。

[編輯]

  1. 第三章、華語電影走向世界的過程 - 分析影展的「中國熱」現象
  2. Kamesha Jackson (2010). "Stock character. 互聯網檔案館歸檔,歸檔日期2018年9月6號,.". In Ronald L. Jackson II. Encyclopedia of Identity. Sage Publications.
  3. Blair, W. (1982). The Funny Fondled Fairytale Frog. Studies in American Humor, 1(1), 17-23.