Mary Sue，中文有譯做瑪麗蘇，喺文學寫作上泛指缺乏缺憾嘅角色。Mary Sue 一詞源自 1973 年出版嘅一個星空奇遇記惡搞故仔：喺呢個故仔入面，主角 Mary Sue 係一個年僅 15 歲就成為星空艦隊嘅中尉嘅天才，受到所有角色嘅愛戴，而且能夠獨力幫成隊艦隊解難，仲贏到諾貝爾和平獎－係一個完美嘅角色；呢個惡搞故仔嘅作者原意在於指出同人小說當中常見嘅一類角色，打後 Mary Sue 呢個詞俾人廣泛噉採用，用嚟指一啲極度完美、冇缺憾嘅角色。
