愛情虛構故仔

出自維基百科,自由嘅百科全書
(由愛情文學跳轉過嚟)
傲慢與偏見

愛情虛構故仔oi3 cing4 heoi1 gau3 gu2 zai2romance fiction),又叫愛情故仔oi3 cing4 gu2 zai2romance story)或者言情小說jin4 cing4 siu2 syut3,係用角色之間嘅戀愛劇情主幹線嘅虛構故仔,屬於通俗文學。民國初期嗰時嘅鴛鴦蝴蝶派即係專寫愛情內容嘅一個派系,其中嘅張恨水就好有代表性,到咗現代,台灣香港愛情小說都有好多,比較出名嘅有張小嫻席絹亦舒岑凱倫瓊瑤等人。愛情小說好受後生人歡迎,尤其係未婚女姓讀者。

通過愛情小說,唔少後生仔女讀者第一次認識愛情係乜嘢,包括初戀暗戀三角戀係乜,當事人嘅內心感受,可以有乜嘢解決方法同結局。

科幻愛情講嘅故仔就設喺未來世界嘅浪漫關係,主題好多時涉及科技點影響人嘅浪漫關係。

子類型[編輯]

  • 當代愛情故仔係指背景設於作者身處嘅時代嘅愛情故仔,係愛情故子當中最大嗰類,出名嘅作品有 1813 年出嘅《傲慢與偏見》(Pride and Prejudice)-呢個作品圍繞英國鄉紳貴族嘅成長同感情問題(作者身處嘅時代),故仔講男女主角分別性格有缺點-男主角為人高傲、女主角容易對人評頭品足同產生偏見(角色以及衝突嘅可能性),但及後同對方相處之後,學識克服自己嘅缺點,最後成婚。《傲慢與偏見》呢份作品有陣時因為設喺 19 世紀早期而俾人分類做古代愛情故仔,但原則上,因為個故仔設於作者身處嘅時代,所以算係當代愛情故仔[1][2]
  • 超自然愛情故仔係指故仔當中涉及超自然元素嘅愛情故仔,出名作品有《吸血新世紀系列》(Twilight),吸血新世紀故仔講一個十零歲嘅人類後生女愛上咗一個成 104 歲嘅吸血鬼,呢隻吸血鬼屬一個飲動物血唔飲人血嘅吸血鬼家族,及後有第個吸血鬼家族嘅成員嘗試傷害女主角(衝突)。呢個故仔屬愛情故仔,因為情節集中於男女主角嘅戀愛關係,同時又涉及咗吸血鬼呢個超自然元素[3]

例子[編輯]

睇埋[編輯]

合桃鉗王子同公主共舞嘅一幕;芭蕾舞係一種靠舞蹈音樂敘述故仔嘅藝術舞蹈員唔講嘢,齋靠跳舞嘅表情同動作表達飾演嘅角色,配以適當嘅配樂同佈景,向觀眾傳達故仔嘅情節

參考資料[編輯]

  1. Fox, Robert C. (September 1962). "Elizabeth Bennet: Prejudice or Vanity?". Nineteenth-Century Fiction. 17 (2): 185–187.
  2. Gao, Haiyan (February 2013). "Jane Austen's Ideal Man in Pride and Prejudice". Theory and Practice in Language Studies. 3 (2): 384-388.
  3. Gregory Kirschling (2007-08-02). "Stephenie Meyer's 'Twilight' Zone". Entertainment Weekly.